Te Tetere n Tairikin te Kaonobong
Bon te Kristo Ngkoe
Te Rongorongo ae Kaeweaki
Bwaai Ake E Tataroi Ake Aki Kona ni Koreaki, iroun Casey Childs
Ngke e koraki aua n te moanrinan natira te mwaane ae Eli, kaain ana kiraati a katea aia tautaeka n kakekewe are e a rineaki iai irouia raona n reirei bwa te tia moti. Te bong teuana, e roko te tia moti man te 2nd District ni Boowi, e karinii oneana n tia moti i aon Eli, ao imwiina e karaoa te katuea ibukin aia kiraati. Aio are e a katika nanon Eli n ataei, n tangira kamatebwaian te tua, ao te Tia Anga Tua are, bon Iesu Kristo.
Imwiin ririki n mwakuri korakora, e a karekea te kakao Eli bwa e na intawiu ma teuana mai ibuakon taian reirei ibukin te tua are e tangiria n reirei iai. E kangai “… Te kabanea n titiraki, ‘Ko karekea iaa am atatai ibukin ataakin te eti ma te kairua?’ … I taekinna bwa ngke arona bwa te botanaomata a maiuaikin Ana kabwarabwara Iesu Kristo iaon te Maunga, e na bon riki te aonaaba bwa te tabo ae tamaroa, man korakora te rau iai.” Ngke e bwara ana intawiu, ao e taku i bon irouna, “E aki kona n koro nanon mwiiu are ma ngke I uarereke. Akea man taabo n reirei aika a kan ongo taekan Iesu Kristo.”
Uoua te wiiki imwina, e a reke rinin Eli ao e buoka. Imwain rinna, ti kawara te kaawa n reirei. … Te kamimi, bwa ngke ti a rinano te tabo n tango boki man rinanon taabo n nakonako, tia norii baana ao atiibu aika mwakoro i aoia taeka man te Kabwarabwara i aon te Maunga.
Te Kabwarabwara i aon te Maunga bon te kabwarabwara ae te kabanea n kakaawaki ae a tia n taekinaki, n matoa man ana reirei. Akea riki te kabwarabwara ae kona ni buokiira n katamaroa ara atatai riki i aon bannan Iesu Kristo, Anuana mai karawa, ao oin raoi bukin rikira n ai Arona. …
Ti riai ni kaota Otan Iesu Kriston inanon nako maiura. …