Te Tetere ni Moaningabongin te Kaonobong
Ana Mwakuri ni Kamaiu Iesu Kristo E Katauraoa te Kabanea ni Korakora ni Kamaiu
Te Rongorongo ae Kaeweaki
Te bwai are a rinanona te bwaeoniia e katauraoia Aika Itiaki ni Boong aika Kaitira ma te rongorongo ni kawai ae okoro ao te rongorongo ae korakora man kairaki n te tamnei. …
A mwaiti irouia Aika Itiaki n aia aenikaa aika a rinanon karawawata ma a aki reke ni waaki ni kabuanibwai aika a korakora. Ma uoua kambwana n aenikaa aika, te Willie company ao te Martin, ake a rinanon te baki, te mwaitorotoro ae korakora, ao a mwaiti aika a mate. …
E moan ataa aron te kabuanibwai nakon kambwana aikai Beretitenti Bringham Young n 4 Okitobwa, 1856. …
E tuangiia bitiobi bwa a na katauraoa 60 tiim n aoti, 12 ke e raka riki aenikaa, ao 12 te tan (10,886 kg) ni burawa ao e taku, “Naako ao uotiia mai aomata akanne.”
N akean rokon te ibuobuoki n taina, a na mwaiti riki aika a na bua maiuia. …
N akean te Mwakuri ni Kamaiu, ti aki kona ni kamaiuira man te bure ao te mate. …
N tain te Itita aei, a na bane nanora i aon te Tia Kamaiu ao Ana mwakuri n anga karea. E katauraoa te kaantaninga ao te oota n te tai ae mwaiti iai kanga te nanokawaki ao te botu. …
I tibwai teniua iango ake I taku bwa a bootau nakon ara bong.
Te moan, tai kamwinibaea kakaawakin karaoan are ti kona ni karaoia ni buokiia ni kamaiuia tabeman man kangaangan nako te rabwata ao te maiu n tamnei.
Te kauoua, butimwaea ana Mwakuri ni Kamaiu te Tia Kamaiu ma te kukurei. …
Au kateniua n reirei bwa ko na kaokoroa te tai teuana n reitinako n kakaonimaki n taraa raoi ana Mwakuri ni Kamaiu te Tia Kamaiu. A mwaiti kawai ni karaoan aei i nanon ara taratara n aomata n te aro. Ma, te roroko ni bootakin te toa ao kanakin te toa bon te kabanea ni kakaawaki riki.
N aron kakaawakin anne bon te nanakon te tembora n te tai ae angaraoi. …
… Ana Mwakuri ni Kamaiu Iesu Kristo E Katauraoa te Kabanea ni Korakora ni Kamaiu.