Te Tetere ni Bwakantain te Kaonobong
Kakawakin te Maeu
Te Rongorongo ae Kaeweaki
N tabetai, te kanganga ma te kainano n aki ataakin bwaai aika ana riki e kona n raona kawakinan te maiu.
Iai uoua taeka aika aki toki n iriiri ma mimitongin te bungiaki: te maiu ao te rinerine. Te Maiu bon te kabanea n kakawaki n Ana babaire ae tamaroa Tamara are I karawa, ao n ana babaire ti kawakina ao ti kateimatoa te maiu; ao ti rinea reitanakoan te maiu ngkana ea bungiaki. Ti kawakina naba te bwaintangira n rinean te itiaki—ni buoka kakorakora rineanakin te raoiroi are e kariaia te Atua ae uota te maiu ae akea tokina. …
Karikirakean ma kawakinan te maiu ae e tuai ni bungiaki bon tiaki te koaua n tautaeka. Ma bon te tua n karaoan ae riai ae kamatoaki iroun te Uea rinanoia Ana burabeti.
Tia mamaroro riki ma te onimaki ao te tangira nakoia ara kairake inanon mwengara, ao imarenara inanon ara Bootaki n Aine ao ara bootaki n mwane, ibukin Ana tua te Atua iaon tuan te itiaki, tabun te maiu, ao tararuakin are e tuai n bungiaki ma tinaia. …
Nakoia ake a ongora are a tia n rinanon te maraki ae korakora ma te nanokawaki n karaoan ke n irekereke ma kabwakakin tetei, taiaoka n uringa: E ngae ngke tiaki konaa n bita kanoan taai ake ngkoa, e kona n kamaoa te tai are ngkoa te Atua. E konaa n roko te kabwarabure rinanon te kakai n Ana mwakuri n kamaiu, ngkana ko rairaki Nakoina ma te nanorinano ao te nano n rairanano.
Tariu ao mwaneu aika kam tangira, keerikakin tangiraia ataei aika a tuai n bungiaki nte aonnaba e riki bwa te raraoma. E kakaawaki te maiu iroun te Atua. Bon Ana mwakuri ao Mimitongina bwa e na uota te aki mamate ao te maiu ae akea tokina nakoia Natina. Ngkai ngaira ana reirei Iesu Kristo, e kakawaki iroura te maiu.