Te Tetere ni Moaningabongin te Kaonobong
Bwanin Kamaiuan Tamneira Irouna
Te Rongorongo ae Kaeweaki
Te Tia Katoki Aoraki e na katoki aorakira ni kabane—n te rabwata ao n te namakin—n oin Ana tai. Ma inanon kakantaningaan te kamarurungaki, e kona temanna ni kamarurungaki n ae bwanin? …
Te Onimaki iroun Iesu Kristo e karekea te kaantaninga. I kunea te kaantaninga ni kekeiaki bwa N na kamaiuaki—n te aro ae bwanin ni bungiaki n te onimaki iroun Iesu Kristo. Te onimaki irouna e karikirakea au kaantaninga ibukin te kamaiuaki, ao te kaantaninga anne e kamatoatoa au onimaki iroun Iesu Kristo. Bon te kawai n okioki ae rangi ni mwaakaroioi. …
Te kamaiuaki n ae bwanin nanona n te aro ae bobonga ao ae tabwanin. N aroia naba niman kibono ake a wanawana ake a kaoni bwaan aia taura ao ngke e a roko te tia ien te mwaane, ti kona ni kamaiuaki iroun Iesu Kristo ngkai ngkana ti kaoni ara taura ni kanoaia n te bwaa are te rairaki Nakoina. …
Ti tuangaki bwa ti na tibwaua Otana. Ngaia are kateimatoa kaonrakei am taura n te bwaa ae te rairaki nakon Iesu Kristo ao ni katauraoi ami bwae ni kaura mwakai, bwa aonga n otamwaaka. Ngkanne ti a kaotaa te ota anne. Ngkana ti tibwaua otara, ti uota ana kabebete Iesu Kristo nakoia aomata, rairakira Nakoina e kakorakoraaki, ao ti kona ni kamaiuaki n ae bwanin e ngae ngke ti tataninga bwa ti na kamaiuaki. Ao ngkai ti kaoti ara taura bwa a na otamwaaka, ti kona n namakina te kimwareirei inanon ara tai n tataninga. …
Tariu ao mwaaneu, te kaeka bon eng, ti kona ni kamaiuaki n te tamnei, e ngae ngke ti tabe n tataninga bwa ti na kamaiuaki n te rabwata ao n te namakin. Te kamaiuaki n ae bwanin tiaki n ae nanonaki ni kaokan te rabwata ao te namakin n te maiu aei. Te kamaiuaki n ae bwanin bon te bungiaki n te onimaki inanon ao te rairaki nakon Iesu Kristo ao ni kaotamwaaka otan te rairaki anne.