Soqoni ena Yakavi ni Sigatabu
Na iVolanikalou Tabu—na Yavu ni Vakabauta
Veitikina lavetaki
O au kei na watiqu, o Mary, keirau a raica e dua na siqeleti e droinitaki toka kina e dua na ivola kei na vosa oqo: “Books: The Original Handheld Device.”
Se tauri e ligada na iyaya vakalivaliva, na iVola Tabu kei na iVola i Momani: E Dua Tale na iVakadinadina kei Jisu Karisito e vakarautaka na veidusimaki vakayalo kei na veivakavulici mai vei Jisu Karisito, na iVakabula kei vuravura
Me vaka au sa vakamacalataka, au a taleitaka na vakasama ni imatai ni gacagaca e ligada—e dua na ivola. Ia, au sa kila na veika bibi cecere ni initaneti e vuravura nikua. Na initaneti e dua na iyaya ni cakacaka kaukauwa ni kena vulici na kosipeli. Nikua, e vuqa na tamata era wasea tiko na ivolanikalou vei ira na itokani ena vakayagataki ni tekinolaji.
Na ivolanikalou e vakavulica vei keda meda lewa vinaka ka vuku sara ena ka kecega. E rawa ni vakayagataki na initaneti ena veika dodonu se ena sala veivakarusai.
…Mo kakua ni lasama na veika e tawa savasava, sega ni dina, se tawa dodonu. Vakasinaita nomu bula ena veika dodonu, vakasama vinaka, mo reki, ka marau ia gole tani mai na veika lialia. E tiko e dua na duidui. Kena usutu, dromuci iko vakalevu ena iVola i Momani, ni kauta mai na Yalotabu ki na nomu bula ka vukea mo kila na dina mai na cala.
Sa noqu ivakasala kivei ira era sa rairai gole tani mai na salatu ni veiyalayalati mo ni lesu ki na ivolanikalou tabu, veidusimaki vakaparofita, na bula vakalotu e vale, kei na sere ni vakabauta Na yalo yadudua sa ka talei ena mata ni Turaga. Keimami gadrevi kemuni! Na Turaga e gadrevi iko, ka o gadrevi Koya! O sa na dau taleitaki tikoga.