Soqoni ena Mataka ni Vakarauwai
“Oqo na Noqu Kosipeli”—“Oqo na Noqu Lotu”
Veitikina lavetaki
Me vaka ga ni sega ni yaga ni dainimati kevaka e sega na nitroglycerin, ena qai duatani ga na nona Lotu na iVakabula kevaka e tarai cake ena Nona kosipeli. Ke sega na nona kosipeli na iVakabula kei na veivakadonui me qaravi na kena veicakacaka vakalotu,ena sega ni vakabau na Lotu.
Kevaka e sega na revurevu veivakadeitaki ni vatubuso (kieselguhr), e vakaiyalayala walega na yaga ni nitroglycerin me kacabote kina na ka e vinakati me kacabote. Me vaka sa vakaraitaka na itukutuku makawa, kevaka e sega na Lotu ni Turaga, e vakakina na sega ni nuitaki na kilaka vakatamata baleta na Nona kosipeli—e rawarawa na kena kuitaki kina ivunau eso ka rawarawa nona rawai ena veivakayarayarataki ni veimatalotu, itovo ni vanua, kei na vakasama vakaivolatabu.
Na Lotu i Jisu Karisito ni Yalododonu Edaidai sa rawa ni yacovi kina na mana ni Kalou baleta ni tu kina na Nona veivakadonui me vakavulici na ivunau nei Karisito ka vakarautaka na veicakacaka vakalotu ni veivakabulai kei na bula vakalou ni kosipeli. E gadreva na iVakabula me vosota na noda ivalavala ca, vukei keda meda rawata na Nona kaukauwa, ka veisautaki keda. A vakararawataki ena vuku ni noda ivalavala ca ka gadreva me vosoti keda mai na itotogi e dodonu meda sotava. E vinakata o Koya meda yaco me savasava ka vinaka sara Vua.
Au sureti kemuni moni soli kemuni taucoko vua na iVakabula, Nona kosipeli, kei na Nona Lotu. Nio vakayacora vakakina, oni na raica ni nodrau cokovata na kosipeli ni iVakabula kei na Nona Lotu ena kauta mai na kaukauwa kina nomu bula. Na kaukauwa oqori e cecere cake sara mai na dainimati. Ena vorolaka na vatu ena nomu sala, veisautaki iko mo vakaivotavota ena matanitu ni Kalou. Ona “vakasinaiti ena reki ka sega ni vakamacalataki rawa ka sinai ena lagilagi.”Ilimani 5:44