Soqoni ena Yakavi ni Vakarauwai
Ni sa Kidavaki kina Lotu ni Marau
Veitikina lavetaki
Ena vuku ni nona ituvatuva ni loloma na Tamada Vakalomalagi ena vukuda yadua na Luvena, vakakina ena vuku ni nona bula ni veivueti kei na itavi na noda iVakabula, ko Jisu Karisito, e rawa— ka dodonu vei keda meda—tamata mamarau taudua e vuravura!
…Ka sega ni dua na vanua e dodonu me kune votu kina na noda marau me vaka ena noda dau soqoni vata ena vei Siga ni Vakacecegu ena noda soqoni ni sakaramede meda qaravai koya na ivurevure ni marau kecega!
Mamarau ena Vakarokoroko? “E dua beka na ka qori?” o na taroga. Io, e dua na ka. Eda lomana vakatitobu, doka, ka rokova na noda Kalou, ka drodro mai na noda vakarokoroko ena dua na yalo e rekitaka na sinai ni loloma, loloma uasivi, kei na veivakabulai nei Karisito!
Kevaka eda soqoni meda vakananuma na iVakabula kei na veivueti sa mai rawata, sa dodonu me na rairai e matada na noda reki kei na vakavinavinaka!
…E volai ena ivolanikalou ni nodra sere na yalododonu sa masu vua na Kalou sa dau marau kina na Yalona.[Vunau kei na Veiyalayalati 25:12 Meda lagasere! Ka vakacaucautaki Koya!
Me yavutaki na noda vosa kei na ivakadinadina vei Tamada Vakalomalagi kei Jisu Karisito kei na vua ni noda bulataka ena yalomalumalumu na Nodrau kosipeli, e vuanikau sa “kamikamica cake mai na veika kamikamica kecega.” [Alma 32:42]. …
…Se da vakaturuya na wainimata ni yaluma se wainimata ni vakavinavinaka ena gauna ni sakaramede, me yaco ena kurabui kei na qoroqoro ena itukutuku vinaka ni nona isolisoli na Tamada ni Luvena!
Oqo na veisureti me ciqomi na isolisoli ni iVakabula ni sautu, rarama, kei na marau—mo marautaka, meda qoroya, ka marautaka, ena vei Siga ni Vakacecegu.
Ni sa Kidavaki kina Lotu ni Marau!