Ki Utona

O cei tale e a raica na peleti koula vata kei Joseph Smith?

E raica o Mary Whitmer na peleti koula

Droini mai vei Steve Nethercott

Sega ni vakawili kina o Josefa Simici, o iratou na lewe 12 na tamata oqo e ratou a raica na peleti koula:

Na Tolu na iVakadinadina: Oliva Kaudari, Tevita Witima, kei Martin Harris. A vakaraitaka vei iratou na peleti na agilosi o Moronai, ka vakadinadinataki ira, ka vakaroti iratou na lewe tolu na tagane me ratou vakadinadinataki ira.¹

Na Lewe Walu na iVakadinadina: Christian Witima, Jekope Witima, Pita Witima Lailai, Joni Witima, Airame Peji, Joseph Smith Levu, Airame Simici, kei Samuela H. Simici. A vakaraitaka o Josefa Simici vei iratou na peleti ka solia vei iratou me ratou tara.²

Meri Witima: A vakaraitaka vua na agilosi o Moronai na peleti ka solia vei koya na vakacegu me vaka ni a qarava tiko e walu na gonelalai kei na tolu na vulagi ena gauna a vakadewataki tiko kina na iVola i Momani ena nona itikotiko.³

A raica o Josiah Stowell e dua na tutu ni peleti. E ratou lewe va tale e ratou a laveta na peleti koula ena gauna era a tiko kina na peleti ena dua na koniteina se ena kena iolo: Lucy Mack Simici, Ema Simici, Viliame Simici, kei Katharine Simici.⁴

E sega ni dua vei ira na 17 na tamata oqo a cakitaka na veika era raica ka sotava.

iDusidusi

1. Raica na “iVakadinadina ni Lewe Tolu,” iVola i Momani.

2. Raica na “iVakadinadina ni Lewe Tolu,” iVola i Momani.

3. Raica na Saints, vol. 1, The Standard of Truth, 1815–1846 [2018], 70–71.

4. Raica na Ulutaga ni iTukutuku Makawa ni Lotu, “Witnesses of the Book of Mormon,” ChurchofJesusChrist.org/study/ history/topics; raica talega witnessesofthebookofmormon.org/witnesses-of-the-plates.