“Dua na Tisaipeli i Jisu Karisito,” Me iSakisaki ni iTabagone , Janu. 2024.
Vosa e na Vosa
Dua na Tisaipeli i Jisu Karisito
Raica na sala e vakamacalataki koya kina o Momani ka vakaibalebale tale ga vei iko.
tisaipeli i Jisu Karisito
Na vosa tisaipeli e kena ibalebale e dua ka vuli mai vua e dua na qasenivuli se turaga (me vaka e dua na gonevuli se dua na vuli-tara).
O ira na tisaipeli i Jisu Karisito era vuli mai Vua, muria na Nona ivakavuvuli, ka tovolea me ra vakataki Koya.
kacivi mai vua meu vunautaka na nona vosa
Eso na tamata era kacivi vakatabakidua me ra tukuna na vosa i Karisito, me vakataki ira na daukaulotu. Ia mai na noda veiyalayalati, eda yalataka kina me da muria na Nona ivakaro, ka oka kina na ivakaro me rarama kei vuravura (raica na Maciu 5:14–16). Eda sa tukuna na noda yalorawarawa me da “tu ka vakadinadinataka na Kalou ena veigauna kecega, kei na veika kecega, kei na veivanua kecega dou sa tiko kina” (Mosaia 18:9).
Na lewe ni lotu yadua ni Lotu i Jisu Karisito ni Yalododonu Edaidai era sa kacivi a me ra vukea na vakayacori ni cakacaka ni Turaga ka wasea na Nona kosipeli (raica na Vunau kei na Veiyalayalati 38:40–41).
bula tawavakaiyalayala
Na bula tawamudu e kena ibalebale na bula ena matanitu vakasilesitieli vata kei na Tamada Vakalomalagi kei Jisu Karisito. Oqo na icocovi ka soli vei ira na tamata era vakabauti Jisu Karisito, veivutuni, vakayacora ka maroroya na veiyalayalati, ka vosota me yacova na ivakataotioti.
Sa kaya na Turaga, “Raica, oqo na inaki kei na lagilagi ni noqu cakacaka—me tucake tale mai na mate na tamata kecega ka rawata na bula tawamudu” (Moses 1:39). Era vukei Koya na tisaipeli me ra vakayacora na Nona cakacaka.