Na Taro Eso kei na Kena iSau

“Au gadreva na ivakasala ena tuvanaki ni itaviqaravi ni itabagone. Na cava beka eso na vakasama vinaka?”

“Vakanamata ki na nodra gagadre na nomu kalasi [se kuoramu] ka tuvanaka na veimataqali veiqaravi kei na itaviqaravi me ra vakaduavatataki ka vakaqaqacotaki kina na lewe ni kalasi, tara cake na ivakadinadina, vakalougatataki ira na tani, ka veilasamaki.”

“Na Cava Me‘u Vakanamata Kina?,” Noqu Veikacivi vaka Mataveiliutaki ni Kalasi ni Goneyalewa, Gospel Library.

Veivukevuke ka Tuvatuva Vata

goneyalewa

“Keitou dau veivukevuke ena veimacawa ena tuvanaki ni itaviqaravi. Oqo e kauta laivi na lomaocaoca ki na dua ga na tamata, ka da rawata mai kina eso na vakasama duidui. Ni tiko e dua na itaviqaravi mo ni tuvanaka vata ena veivuke talega. Eda taleitaka na qito, veidredrevaki vata, ka veiqaravi.”

Adelynne S., 17, Utah, Amerika

Kauti Ira Mai eso kivua na iVakabula

goneyalewa

“Tarogi ira na lewe ni nomu kalasi se kuoramu na cava era marautaka mera cakava. Digia na itaviqaravi eso ena kauti ira vata mai vakavoleka na itabagone ka vakakina vua na iVakabula, ka lasa vata! Na itaviqaravi ni veiqaravi sa dau dua tu ga na ka au dau taleitaka. Au dau buli itokani vou!”

Katie G., 18, Washington, Amerika

Tovolea mo Okata Kece na Tamata

goneyalewa

“Na itaviqaravi e rawa ni ra vakaitavi kece kina na tamata ena rawa ni ra vakaitaukeitaki cake kina na tani. Tarogi ira nomu ilawalawa na ka taleitaki se na veika tale eso era marautaka sa na veivuke sara vakalevu.”

Lily D., 13, Arizona, Amerika

Tolu na Taro

goneyalewa

“Na noqu kalasi e dau tuvai na itaviqaravi e yavutaki ena tolu na taro: Na cava eda gadreva me vakavinakataki? O cei soti eda gadreva meda tokona? E sa gauna beka ki na dua na itaviqaravi ka vakalailaitaka na kena gauna kei na igu mai na itaviqaravi tale eso? Ni tiko ena noda vakasama na veika oqo, masulaka, vakasamataka vakatitobu, ka veivakasalataki vata. O taura rawa?

Isabella R., 14, Oregon, Amerika

Waqana Vakayalo

goneyalewa

“O na gadreva e vica na mekasini ni Lotu mo rawa ni kotiva tani kina na veiyaloyalo vakayalo se itukutuku e veivakauqeti vei iko. Qai biuta na veika o sa kotiva ena dua na itutu ena dua na ituvatuva duatani. E rawa ni o biuta ena dua na vanua e rawa ni o raica kina.”

Florence M., 14, British Columbia, Kenada

Na vei isau ni taro sa kena inaki me veivuke ka veivakararamataki, ka sega ni ivakaro vakadonui ni ivunau ni Lotu.

Se Cava na Nomu Nanuma?

“Au na kila vakacava ni sa dina na veika au wilika tiko ena iVola i Momani?”

Vakauta mai na nomu isaunitaro kei na itaba ni bera na ika 15 ni Feperueri, 2024.

Imeli mai e na [e-mail]. Se gole kina ftsoy.ChurchofJesusChrist.org ka tabaka na “Submit Your Work.” Curu e na nomu Akaude ni Lotu ka digitaka na “For the Strength of Youth” e na ruku ni “Choose Magazine.” Kilikitaka na “Add File” mo digitaka na nomu faile kei na itaba, ka qai kilikitaka na “Submit” mo vakavodoka ka vakauta mai na nomu faile.

E na rawa ni moici na nomuni itukutuku me baleta na kena balavu se kena matata.