“Aisea ua fai ai e le Atua ia tatou osia feagaiga?,” Mo le Malosi o le Autalavou, Fep. 2022.
Tuusa‘o i le Mataupu
Aisea ua fai ai e le Atua ia tatou osia feagaiga?
Talu mai aso o Atamu ma Eva, ua ta‘u mai e le Atua i Lana fanau e uiga i Lana fuafuaga mo i tatou ia avea atili e faapei o Ia, e aofia ai le faatuatua ia Iesu Keriso, salamo, papatisoga, ma le meaalofa o le Agaga Paia.
A maua e tagata le papatisoga ma le meaalofa o le Agaga Paia, latou te osia feagaiga. O feagaiga o ni maliega paia i le va o le Atua ma se tagata. Ua folafola mai e le Atua ia i tatou faamanuiaga pe afai tatou te taumafai e tausi a tatou feagaiga. O feagaiga e mafai ai ona tatou maua le mana e faamamaina ai i tatou mai a tatou agasala. E ala mai i [feagaiga] tatou te maua ai foi faamanuiaga silisili o loo ofoina mai e le Atua.
Tatou te le iloa mafuaaga uma tatou te manaomia ai sauniga ma feagaiga. E pei ona saunoa Peresitene Dallin H. Oaks, le Fesoasoani Muamua i le Au Peresitene Sili: “O le papatisoga o se mea e manaomia, ae aisea? … Ou te le iloa. Ae o le mea ou te iloa, pau lava le ala e mafai ai le faamagaloina o agasala o le taulaga togiola a lo tatou Faaola, o Iesu Keriso. … O Lana taulaga na totogiina ai le tau mo a’u agasala, ma ua Ia tuuina mai tulaga e mafai ai ona faaolaina a’u i Lana togisala. Ua lava lena mafuaaga mo a‘u” (“Aisea Tatou Te Faia ai le Galuega Faafaifeautalai?,” New Era, Sept. 2009, 3).