“Fesootai,” Mo le Malosi o le Autalavou, Fep. 2022.
Fesootai
Moronae
16, Sierra Leone
Ata na pueina e Christina Smith
O le avea ma se tagata talavou O Le Ekalesia a Iesu Keriso o le Au Paia o Aso e Gata Ai i Sierra Leone e maoae. Matou te fegalegaleai uma ma faia le tele o mea malie. Matou te fiafia e taaalo faatasi i le lakapi [soka]. Ou te lagona e taua tele lo matou felatai atili o se vaega o le autalavou.
Sa i ai se taimi sa ou taumafai ai e auai i se isi lotu ina ua le malosi lou faatuatua. Ae sa ou iloaina O Le Ekalesia a Iesu Keriso o le Au Paia o Aso e Gata Ai e ese lava ona e taitaiina e ala i faaaliga mai le Alii. Ma o le meaalofa o le Agaga Paia e faatumauina pea i tatou i luga o le ala sa‘o.
E manaia tele le na o au le tagata lotu i la‘u aoga. Ua ou faasoa atu le talalelei i a‘u uo, ma ou te lagona ai le fiafia. Sa ou aoaoina i latou e uiga i le Tusi a Mamona, ma sa ou valaaulia foi i latou e matamata faatasi ma au i le konafesi aoao—ma na latou o mai!
Ou te talitonu e moni le Ekalesia ma o loo i ai le atoaga o le talalelei. E vaai mai a‘u uo ia te a’u e lelei ma faamaoni, ma latou te vaai mai ia te a‘u o se faataitaiga lelei aua ou te ola i le talalelei.