iTaviqaravi Eso ni Lako Mai, Mo Muri Au

Me baleta na lotu vakamatavuvale se vuli ivolanikalou—se ka ni lasa ga!

26 ni Feperueri–3 ni Maji

Valetabu Pepa

Me baleta na 2 Nifai 11–19

itukutuku ni alt

E vakavuvulitaka o Aisea ni veivaletabu era vanua bibi eda vulica kina me baleta na Tamada Vakalomalagi kei Jisu Karisito (raica na 2 Nifai 12:3). Cakava na nomu valetabu! Lobika tolu e dua na tikinipepa. Kotiva e dua na muana me tolu na yasana. Dolava na pepa ka droinitaki iko iloma.

Me baleti ira na gone sobu: Raica vata na iyaloyalo ni dua na valetabu. Veitalanoataka na sala o rawa ni vakila kina na loloma ena vale ni Kalou me vaka ga ena nomu itikotiko.

4–10 ni Maji

Lagati ni iVakadinadina

Me baleta na 2 Nifai 20–25

itukutuku ni alt

A wasea o Aisea na nona ivakadinadina me baleti Jisu Karisito. E kaya o koya ni o Jisu e sa nona kaukauwa ka na nona sere ( raica na 2 Nifai 22:2). Na sere cava me baleti Jisu o dau taleitaka? Veitalanoataka na vuna o taleitaki ira kina. Qai lagata vata!

Baleti ira na lalai: Lagata na “Talanoataka mai na iTalanoa kei Jisu” (iVola ni Sele ni Lalai, 57) lagavata. Me taura cake tu na luvemu e dua na iyaloyalo kei Jisu ena veigauna e cavuti kina o Koya ena sere.

11–17 Maji

iTalanoa ena iTalanoa

Me baleta na 2 Nifai 26–30

itukutuku ni alt

E vukei keda na Tamada Vakalomalagi me da vulica na “vosa ena vosa,” se vakalailai vaka gauna (2 Nifai 28:30). Dou qai tukuna vata e dua na italanoa taleitaki mai na ivolanikalou me dua na laini ena dua na gauna! Me ratou veivukevuke na matavuvale yadua me ratou cavuta e dua na iyatuvosa ni italanoa me yacova ni sa oti na italanoa.

Me baleti ira na gone sobu: E vukei keda na Tamada Vakalomalagi me da vulica na veika me baleti Jisu Karisito. Gole ki na tabana e 48 ka veivukevuke ena kena rokataki e dua na tiki ni iyaloyalo ena dua na gauna.

18–24 ni Maji

iKalawa ni Vakamuri Jisu

Me baleta na 2 Nifai 31–33

itukutuku ni alt

E vakavuvulitaka o Nifai ni da muri Jisu Karisito tiko ni da vakabauti Koya, veivutuni, papitaiso, ciqoma na isolisoli ni Yalo Tabu, ka vosota me yacova na ivakataotioti (raica na 2 Nifai 31). Vola na veikalawa yadua ena dua tale na tiki ni pepa, qai tuvai ira yani ena fuloa. E dua me bokoca na matana ka wili ki na 10 ni ratou tucake taucoko tu na kena vo ena dua na pepa. O koya ka wiliwili me qai tukuna e dua vei ira na ikalawa ni muri Jisu. O koya ka toka ena tiki ni pepa oya me qai wiliwili tarava.

Me baleti ira na gone sobu: Ni da vakabauti Jisu Karisito, eda muria na veika e tukuna o Koya. Bulia e dua na laini ka taubale wavoki. O koya e liu tiko sa ikoya na iliuliu. Na matavuvale yadua me qai vakatotomuria na ilakolako nei iliuliu. Me ra veivukevuke me ra iliuliu!

25–31 ni Maji

Lili ni Siganimate

Me Baleta na Siganimate

itukutuku ni alt

Ena vukui Jisu Karisito, eda na bula tale ni da sa mate oti (raica na Alama 40:22–25). Cakava na lili ni Siganimate ena tabana e 17. Biuta na nomu lili ena vanua e rawa ni ratou raica kina na nomu matavuvale me vukei iko mo nanuma tiko na iVakabula ena macawa oqo.

Me baleti ira na gone sobu: Wilika me baleta na Siganimate ena tabana e 46 Mera dusia na luvemu na iyaloyalo yadua kei Jisu nio wiliwili.

PDF ni Talanoa

Droini mai vei Katy Dockrill