Mai Vei Ratou na Mataveiliutaki Taumada

E Bula Tiko o Jisu Karisito.

Mai vei Peresitedi Henry B. Eyring

iKarua ni Daunivakasala ena Mataveiliutaki Taumada

Henry B. Eyring

Tauri mai na “Me Tiko kei Kemudou na Yalona,” Liaona, Me 2018, 86–89; kei na “Sa Tu cake tale ko Koya ,” Liaona, Epe. 2013, 4–5.

itukutuku ni alt

Na gauna vakaoqo ena loma ni yabaki e vukei keda me da vakasamataka na solibula ni iVakabula kei na Nona tucaketale mai na ibulubulu.

Ena dua na gauna keirau a duri tu kei na watiqu ena taudaku ni dua na ibulubulu mai Jerusalemi. E loma, keirau a raica kina na vatavata vatu ka kabira toka ena lalaga.

Ia e a dua tale na iyaloyalo e a basika mai ki na noqu vakasama. Au vakasamataki Meri ena ibulubulu lala. A tagi tiko baleta ni sa mate na iVakabula. E sega ni kila na vanua esa tiko kina na Yagona.

Sa qai “vuki vakanadaku o koya, ka raici Jisu ni sa tu, ia sa sega ni kila ni sa i Jisu” (Joni 20:14). E nanuma o Meri ni o Koya na dausasamaki.

“Sa kaya vua o Jisu, Meri” (Joni 20:16). Sa qai kilai Koya o Meri. Ka kila ni sa tucaketale o Koya.

Ena Nona sa ulabaleta na mate o Jisu Karisito, o ira kece na luvena na Tamada Vakalomalagi era na tucaketale mai ena dua na yago ka na sega ni mate rawa.

Au vakavinavinakataka na Tamada Vakalomalagi ena isolisoli ni Luvena Lomani. Au vakavinavinaka ni‘u kila ni mai sorovaka o Koya na noda ivalavala ca ka tucake mai ena Tucaketale. Au vakadinadinataka ni o Jisu na Karisito sa tucaketale, na noda iVakabula, sa noda ivakaraitaki uasivi duadua.

Qiqi ni iTalanoa ni Siganimate

Kotiva laivi mai na wirini ka biuta na imatai ni wirini ena dela ni dua tale na wirini, Tonoka e dua na qara e lomadonu ka vakabira vata ena dua na pini se ivakabi kaukamea. Qai tosoya na iwirini e cake me talanoataka na italanoa ni Siganimate.

Na iTalanoa ni Siganimate

1. A lako mai i Jerusalemi o Jisu ena Sigatabu ni Curu vaka Tui (raica na Marika 11:7–11).

2. A solia o Jisu vei ira na Nona tisaipeli na sakaramede (raica Maciu 26:26–28).

3. A masu o Jisu ena Were o Kecisemani (raica na Marika 14:32–36).

4. A mate o Jisu ena kauveilatai ena vukuda (raica na Luke 23:46).

5. Na yagona e a davo tu ena ibulubulu me tolu na siga (raica na Maciu 27:59–64).

6. Sa bula tale mai ko Jisu. E bula tiko nikua o Koya. (Raica na Maciu 28:6–9.)

PDF ni iTalanoa

Droini mai vei Alyssa Tallent