“E rau a raici Jisu o Jekope kei Nifai,” iTokani, Maji 2024, 26–27.
iTalanoa ni iVolanikalou
E Rau a Raici Jisu o Jekope kei Nifai
Droini mai vei Andrew Bosley
O Jekope e taci Nifai gone. A sucu o koya ni oti na nodratou biuti Jerusalemi na nodratou matavuvale. A lako mai kina vanua yalataki o Jekope ni se gone.
E rau a raici Jisu Karisito ruarua o Jekope kei Nifai. E rau a wasea na nodrau ivakadinadina vei iratou na nodrau matavuvale me vukei iratou me ratou vulica na veika me baleti Jisu.
E rau a wasea talega na vosa i Aisea na parofita. A raici Jisu talega o Aisea ka vola na veika e baleti Koya ena ivolanikalou. E rau vakayagataka o Jekope kei Nifai na vosa nei Aisea mai na ivolanikalou me rau vakavulica na nodrau matavuvale me baleti Jisu.
E rau vakatavulica ni o Jisu ena lako mai i vuravura. Ena mate ka bula tale. E rau wasea na nodrau ivakadinadina me baleti Jisu Karisito me rawa kina ni ra nanamaki tu na nodrau matavuvale ki na Nona lako mai.