Dali, Sunod Kanako nga mga Kalihokan

Alang sa home evening o pagtuon sa kasulatan—o alang sa kalingawan lamang!

Pebrero 26–Marso 3

Papel nga mga Templo

Alang sa 2 Nephi 11–19

alt text

Si Isaias nagtudlo nga ang mga templo espesyal nga mga dapit diin kita makakat-on mahitungod sa Langitnong Amahan ug ni Jesukristo (tan-awa sa 2 Nephi 12:3). Paghimo og imong kaugalingong templo! Pil-a og katulo ang usa ka piraso nga papel. Guntinga ang usa ka tumoy ngadto sa trayanggulo. Ablihi ang mga papel ug drowinga ang imong kaugalingon diha sa tunga.

Alang sa mas manghod nga mga bata: Dungan nga motan-aw og usa ka litrato sa templo. Hisgoti ang mahitungod sa unsaon nimo pagbati og gugma sa balay sa Ginoo sama diha sa imong kaugalingong panimalay.

Marso 4–10

Mga Awit sa Pagpamatuod

Alang sa 2 Nephi 20–25

alt text

Si Isaias mipaambit sa iyang pagpamatuod ni Jesukristo. Miingon siya nga si Jesus ang iyang kalig-on ug iyang awit (tan-awa sa 2 Nephi 22:2). Unsa nga mga awit mahitungod ni Jesus ang imong ganahan? Isulti kon nganong ganahan ka niini. Dayon dungana kini og kanta!

Alang sa mas manghod nga mga bata: Kantaha ang “Suginli Ko sa mga Istorya ni Jesus [Tell Me the Stories of Jesus]” (Songbook sa mga Bata, 36) og dungan. Ipaisa sa imong anak ang litrato ni Jesus sa matag higayon nga Siya mahisgotan sa kanta.

Marso 11–17

Lagda human sa usa ka Lagda nga Oras sa Pag-istorya

Alang sa 2 Nephi 26–30

alt text

Ang Langitnong Amahan nagtabang kanato nga makat-on “lagda human sa usa ka lagda,” o gamay lang sa matag higayon (2 Nephi 28:30). Magdungan, pag-istorya og usa ka paborito nga istorya sa kasulatan usa ka linya matag higayon! Ang tanan magpuli-puli sa pagsulti og usa ka kapahayag sa istorya hangtod nga mahuman ang istorya.

Alang sa mas manghod nga mga bata: Ang Langitnong Amahan magtabang kanato nga makakat-on mahitungod ni Jesukristo. Paklia ngadto sa pahina 48 ug pagpuli-puli og kolor sa usa ka bahin sa litrato sa matag higayon.

Marso 18–24

Mga Lakang sa Pagsunod ni Jesus

Alang sa 2 Nephi 31–33

alt text

Si Nephi nagtudlo nga kita nagsunod ni Jesukristo kon kita adunay hugot nga pagtuo Kaniya, maghinulsol, magpabunyag, modawat sa gasa sa Espiritu Santo, ug molahutay sa kataposan (tan-awa sa 2 Nephi 31). Isulat ang matag lakang sa usa ka lahi nga piraso sa papel, dayon ikatag kini sa salog. Ang usa ka tawo mopiyong sa ilang mga mata ug mag-ihap hangtod 10 samtang ang tanan magbarog sa usa ka papel. Ang tawo kinsa nag-ihap moingon dayon sa usa sa mga lakang aron makasunod ni Jesus. Ang tawo niana nga papel ang sunod nga mag-ihap.

Alang sa mas manghod nga mga bata: Kon kita adunay hugot nga pagtuo ni Jesukristo, kita mosunod kon unsa ang Iyang isulti. Pagporma og usa ka linya ug maglakaw patuyok. Ang tawo sa atubangan mao ang lider. Ang matag tawo mosunod kon giunsa paglakaw sa lider. Pagpuli-puli nga mahimong lider!

Marso 25–31

Mga Liryo sa Pasko sa Pagkabanhaw

Alang sa Pasko sa Pagkabanhaw

alt text

Tungod ni Jesukristo, kita mabuhi pag-usab human kita mamatay (tan-awa sa Alma 40:22–25). Himoa ang hinimo sa kamot nga mga liryo sa Pasko sa Pagkabanhaw diha sa pahina 17. Ibutang ang imong mga liryo diin makita kini sa imong pamilya aron matabangan kamo nga mahinumdom sa Manluluwas karong semanaha.

Alang sa mas manghod nga mga bata: Basaha ang mahitungod sa Pasko sa Pagkabanhaw diha sa pahina 46. Ipatudlo sa imong mga anak ang matag litrato ni Jesus samtang kamo nagbasa.

Istorya nga naa sa PDF

Mga paghulagway pinaagi ni Katy Dockrill