Seksiyon sa Mas Magulang nga mga Bata

Unsay Anaa sa Inyong Hunahuna?

Nganong mahinungdanon man kaayo kon unsa ang akong tan-awon o paminawon? Wala man kini makapasakit ni bisan kinsa.

—Harmless sa Helsinki

Istorya nga naa sa PDF

Paghulagway pinaagi ni Shawna J. C. Tenney

Minahal nga Harmless,

Tanan nga imong tan-awon o paminawon makaapekto sa unsay imong hunahunaon, bation, ug buhaton. Ug kana makaapekto sa unsang klase nga tawo nga ikaw mamahimo.

Aron mahimo kang labing maayo nga tawo, tan-aw ug paminaw sa labing maayo nga mga butang. Kita gitudloan nga pangitaon ang mga butang nga “mahiyason, matahom, o maayo og dungog o dalaygon” (Mga Artikulo sa Hugot nga Pagtuo 1:13). Ug kita makahibalo nga ang usa ka butang maayo kon kini makapahimo nato nga magtinguha sa paghimo og maayo ug “sa pagtuo diha kang Kristo” (Moroni 7:16). Unsa man ang imong tan-awon o paminawon mahinungdanon kaayo tungod kay ikaw mahinungdanon kaayo.

Inubanan sa gugma,

Higala

Listahan sa Maayo nga Media

Gamita kini nga listahan aron maseguro nga imong mahatagan ang imong talagsaon nga utok og talagsaon nga media!

• Kini makapabayaw ug makatabang nako nga mobati og maayo sa kahiladman.

• Kini nagtudlo nako og maayo nga mga butang.

• Kini nagtabang nako nga gustong mosunod sa mga sugo sa Dios.

• Kini nagdasig kanako sa pagbuhat og maayo nga mga butang.

• Kini puno sa pagtahod ug tukma sa mga sumbanan sa akong pamilya.