Toʻo ʻa e 5

Founga ʻe 5 ke ʻIloʻi ai ha Kaungāmeʻa Moʻoni

Koe hā ʻokú ne fakatupu ha kaungāmeʻa moʻoní? Ko e kaungāmeʻa moʻoní ʻoku makehe, pea faingataʻa ke maʻu ʻi he taimi ʻe niʻihi. Kapau ʻokú ke monūʻia, mahalo pē kuo ʻosi ʻi ai haʻo kaungāmeʻa moʻoni. Ka ʻo kapau ʻoku teʻeki ai, ʻoua ʻaupito ʻe manavasiʻi! Ko e founga ʻeni ʻe nima ke ʻiloʻi ai ha kaungāmeʻa moʻoni. ʻE lava ke tokoni ʻa e ngaahi meʻá ni ke ke hoko foki mo koe ko ha kaungāmeʻa moʻoni!

1. alt text

   Ko e kaungāmeʻa moʻoní te ne tokoniʻi koe. Kapau ʻokú ke fiefia, te nau fiefia fakataha mo koe. Kapau te ke ongoʻi loto-mamahi, he ʻikai ke kataʻi koe ʻe he kaungāmeʻa moʻoní—te nau feinga ke tokoni.

2. alt text

   ʻOku faitotonu mo falalaʻanga ʻa e kaungāmeʻa moʻoní. ʻOkú ke lava ʻo falala te nau talaatu ʻa e moʻoní, neongo ʻene faingataʻá. He ʻikai loi atu ha kaungāmeʻa moʻoni kiate koe pe te ne feinga ke ke loi mo koe.

3. alt text

   ʻOku talanoa mo fakamatala angaʻofa ʻa e kaungāmeʻa moʻoní ʻo kau kiate koe. Kapau te nau ʻai ke ke loto-mamahi, ʻe kole fakamolemole atu ʻa e kaungāmeʻa moʻoní pea he ʻikai ke ne toe fai ia.

4. alt text

   ʻE fakafanongo ʻa e kaungāmeʻa moʻoní kiate koe. ʻOku nau tokanga ʻaupito ki he meʻa te ke lea ʻakí!

5. alt text

   ʻE tokoniʻi koe ʻe ha kaungāmeʻa moʻoni ke ke fili ʻa e meʻa ʻoku totonú. Naʻe pehē ʻe ʻEletā Kongo ʻo e Kōlomu ʻo e Kau ʻAposetolo ʻe Toko Hongofulu Mā Uá, “ʻOku ʻikai [ke] kole mai ʻe he ngaahi kaungāmeʻa moʻoní ke tau mamata ʻi ha ngaahi meʻa, fai ha ngaahi meʻa, pe kai, inu, pe fakaʻaongaʻi ha ngaahi meʻa te ne fakamamahiʻi kitautolu pe ko e niʻihi kehé. ʻOku fetokoniʻaki ʻa e ngaahi kaungāmeʻa mamaé ke nau aʻusia honau lelei tahá.”^*

Talanoa ʻi he PDF

Tā fakatātā ʻa Jess Smart Smiley

• “Choose to Let God Prevail,” For the Strength of Youth, Aug. 2022, 4.