“Ko e Hā ʻa e Meʻa ʻOku Hoko ʻi he Ngaahi Temipalé?” Ko e Kaumeʻá, Fēpueli 2024, 22.
Ngaahi Kaati Temipalé
Ko e Hā ʻa e Meʻa ʻOku Hoko ʻi he Ngaahi Temipalé?
Ngaahi tā fakatātā ʻa Rachel Erickson
ʻOku tau ako lahi ange ʻi he temipalé ki he Tamai Hēvaní, Sīsū Kalaisi, pea mo e palani ʻo e fakamoʻuí. ʻOku tau maʻu ai ʻa e ngaahi ouaú mo fai ha ngaahi fuakava toputapu. Te tau lava foki ʻo fai ʻeni maʻanautolu kuo pekia naʻe teʻeki ke nau fai ʻa e ngaahi fuakava ko iá. Te tau lava ʻo ongoʻi ʻa e Laumālie Māʻoniʻoní mo maʻu ʻa e tali ki heʻetau ngaahi lotú. Kuo ʻosi palōmesi mai ʻa e kau palōfitá ʻe tokoni ʻetau ʻalu ki he temipalé ke maʻu ha fakahinohino ki heʻetau moʻuí.
Temipale Cochabamba Bolivia
-
Ko e fuofua temipale ʻeni naʻe langa ʻi Poliviá.
-
Te ke lava ʻo sio ki he taha ʻo e ngaahi tā tongitongi māʻolunga taha ʻo Kalaisí mei he kelekele ʻo e temipalé.
-
Kimuʻa pea langa ʻa e temipalé, naʻe lau māhina ʻa e ʻikai ke tō ha ʻuhá. ʻI he ʻaho naʻe fakahoko ai ʻa e tanupoú, naʻe tō ha fuʻu ʻuha lahi!
Temipale Johannesburg South Africa
-
Ko e fuofua temipale ʻeni naʻe langa ʻi ʻAfiliká.
-
Hili hono langa iá, naʻe ʻi ai ha temipale ʻi he konitinēniti kotoa pē ʻoku nofo ai ha kakai.
-
Naʻe filifiliʻi ʻa e ngaahi naunau naʻe fakaʻaongaʻi ki hono langa ʻo e temipalé ke fenāpasi mo e ngaahi fale fakahisitōlia ʻoku tuʻu takatakai aí.