Imong Sinulat
Ang Soccer nga Pagpili
Isaac E., edad 8, Yucatán, Mexico
Ganahan kong magdula og soccer diha sa akong grupo sa eskwelahan. Apan dili ko makaadto sa kadaghanan sa mga dula tungod kay sa Dominggo kini. Gusto nakong ibalaan ang adlawng Igpapahulay.
Usa ka adlaw ang akong coach nangutana kon nganong wala ko moadto sa mga dula matag Dominggo. Akong gipasabot nga ako usa ka miyembro sa Ang Simbahan ni Jesukristo sa mga Santos sa Ulahing mga Adlaw. Gisultihan nako siya nga ang Dominggo usa ka espesyal nga adlaw alang kanako. Buhaton lamang nako ang mga butang nga makatabang nako nga makahinumdom ni Jesukristo ug mas makapaduol ngadto Kaniya. Sa wala madugay miingon ang coach nga adunay dula sunod Dominggo. Giingnan nako siya nga dili ako makatambong sa dula. Miingon ang coach nga okey ra ug dili ra mabalaka.
Pipila ka minuto ang milabay ang coach nanawagan sa atensiyon sa tanan. Ang dula gibalhin ngadto sa Sabado! Mibati ko nga malipayon kaayo.
Human sa pagbansay, usa ka batang lalaki ang miduol ug miingon, “Salamat kaayo!” Nangutana ko kon nganong nagpasalamat siya nako. Miingon siya, “Moadto pod ko sa akong simbahan matag Dominggo. Mapasalamaton ko nga imong gisultihan ang coach mahitungod sa imong mga tinuohan. Dili pod unta ko moadto sa dula.” Human niana nga adlaw, ang batang lalaki ug ako nahimong maayo kaayo nga mga higala.
Gikan niini nga kasinatian nakaangkon ko og bag-o nga higala ug kahigayonan nga moadto sa dula. Pagkasunod tuig, nahimo kong kapitan sa akong koponan sa soccer sa eskwelahan. Apan ang labing maayo nga butang nga akong nakat-onan mao nga kanunayng mahimong matinud-anon ngadto sa Ginoo. Kon matinud-anon ako ngadto ni Jesukristo, Siya kanunayng mopanalangin kanako.
Paghulagway pinaagi ni Josh Talbot