Gikan sa Unang Kapangulohan

Unsaon aron Makabaton og Hingpit nga Kalipay

Ni Presidente Russell M. Nelson

Official portrait of President Russell M. Nelson taken January 2018

Gipahaom gikan sa, “Hingpit nga Kalipay ug Espirituhanon nga Pagsugakod,” Liahona, Nob. 2016, 81–84.

1. Winter night scene at a small cabin in Missouri in 1838. There are people inside and outside the cabin. Everyone is happy despite the cold. 2. Winter landscape. 3. 6 modern day children: Two boys talking, a girl reading a note, a sad looking boy, a boy and a girl talking to each other.

Niadtong tingtugnaw sa 1838, ang mga miyembro sa Simbahan kinahanglan nga mobiya sa ilang mga panimalay didto sa Missouri, USA. Tugnaw kaayo kadto, ug ang ilang pagkaon mikaging. Usa ka gabii daghang mga tawo ang mipabilin diha sa gamay kaayo nga payag. Sila naglingkod o nagbarog sa tibuok gabii, naningkamot nga mainitan. Ang uban nagpalabay sa gabii sa gawas duol sa campfire. Nanag-awit sila og mga himno ug nagsugba og mga patatas. Si sister Eliza R. Snow miingon, “ Walay usa ka reklamo ang nadungog—ang tanan malipayon.”

Usahay mura og dili nato mabati ang hingpit nga kalipay kon adunay dili maayong butang nga mahitabo. Apan ang hingpit nga kalipay nagagikan sa pagtutok diha sa Manluluwas. Ang atong mga pagsulay dili molungtad sa kahangtoran. Kon kita motutok diha sa plano sa Dios alang sa kaluwasan ug diha ni Jesukristo ug sa Iyang ebanghelyo, atong mabati ang hingpit nga kalipay.

Si Jesukristo nagtudlo kanato kon unsaon aron makabaton og hingpit nga kalipay. Ang hingpit nga kalipay moabot kon kita maningkamot sa pagsunod Kaniya. Kita makapasalamat Kaniya diha sa pag-ampo. Kita makatuman sa mga pakigsaad nga atong gihimo uban Kaniya ug sa atong Langitnong Amahan. Kita makapangayo sa Iyang hingpit nga kalipay nga ihatag ngari kanato. Samtang kita mobuhat niini nga mga butang, ang atong Manluluwas mahimong mas magkatinuod ngari kanato. Ug ang atong hingpit nga kalipay modako.

Malipayon nga mga Pagtulun-an

Friend Magazine, 2023-02 Feb

Kon kita mosunod ni Jesukristo, kita mapanalanginan bisan sa lisod nga mga panahon. Basaha kon unsa ang gisaad ni Jesus kanato diha sa Mateo 5 ug sulati ang mga blangko.

• Kon ako maguol …

  (Mateo 5:4)

• Kon ako mopasaylo sa tawo …

  (Mateo 5:7)

• Kon ako tigpasiugda sa kalinaw …

  (Mateo 5:9)

• Kon adunay tawo nga mosulti og butang nga dili tinuod kabahin nako …

  (Mateo 5:11–12)

Mga paghulagway pinaagi ni Brandon Dorman