Higala ngadto sa Higala

Anaa ba ang Dios Dinha?

Ni Elder Vaiangina Sikahema

Sa Seventy

Official portrait of Vai Sikahema.

Gikan sa usa ka interbiyo uban ni Richard Romney.

Full spread with fun maze designed to help illustrate the journey of a man who traveled from Tonga to the Temple in New Zealand. Here’s roughly the journey llustrated in the maze: 1. Family getting ready to leave Tonga Sailed from Tonga to Fiji and encountered a storm (members sang on the ship). 2. On Fiji, had to ride a bus to the airport. 3. Then traveled on a plane to New Zealand. 4. Then another 2-hour bus ride to get to the Hamilton New Zealand Temple. 5. Family standing before the Hamilton New Zealand Temple. Included, other scenes at the end of pathways that don’t lead to the New Zealand temple, fun South Pacific Island items, ocean icons. Elder Sikahema was only 5 years-old when he traveled with this family to the temple.

Sa dihang singko anyos pa ko, ang akong pamilya mibiyahe gikan sa Tonga ngadto sa New Zealand aron masilyo sa templo. Una, milawig kami gikan sa Tonga ngadto sa Fiji. Ang mga miyembro sa Simbahan nga nagbiyahe uban kanamo nanganta sa tibuok biyahe. Miabot ang usa ka unos. Ang mga balod mas dagko pa kay sa barko nga among gisakyan! Samtang nagkadako ang unos, nagkakusog ang among pagkanta. Sa kataposan milabay ang unos.

Sa dihang luwas kaming naabot sa Fiji, gikinahanglan namong mosakay og bus padulong sa airport. Dayon misakay kami og eroplano padulong sa New Zealand.

Human mitugpa ang eroplano sa New Zealand, mibiyahe kami og laing duha ka oras sa bus. Bugnaw kadto nga buntag nga adunay daghang panganod. Nag-istorya ang tanang tawo diha sa bus. Lanog kaayo kadto! Dayon malantaw na ang templo, ug kalit lang, ang bus hingpit nga nahilom. Ang tanan daling mibalhin ngadto niana nga habig sa bus aron makakita niini. Abi nako og matuwang ang bus!

Gialsa ko ni Papa diha sa bentana sa bus aron makatan-aw ko og tarong sa templo. Ang templo ingon og naglutaw diha sa mga panganod. Daw langitnon kini.

Bisan og nahitabo kana pipila na ka tuig ang milabay, nabati gihapon nako kana nga samang espesyal nga espiritu karon. Nasayod kami nga kami nagtan-aw sa balay sa Dios. Kaniadto, nakita lang namo kini sa mga litrato. Nahingangha kami. Nakahinumdom ko nga naghunahuna, Anaa ba ang Dios dinha? Ug dihadiha gayod, nakahunahuna ko, Kini mao ang balay sa Dios. Siyempre anaa Siya dinha. Tingali dili nato Siya makita diha sa templo, apan nasayod kita nga mobati kita sa Iyang Espiritu didto.

Usa ka Pagbiyahe ngadto sa Templo

Friend Magazine, 2023-02 Feb

Sunda ang maze aron tabangan ang pamilya nga makaabot sa templo!

Paghulagway pinaagi ni Mitch Miller