Masasayang Bagay
Thankful Tag
Itinuturo sa atin ng mga banal na kasulatan na maging mapagpasalamat (tingnan sa Mga Awit 100:4). Maaari kayong magsaya at magpasalamat kapag nilaro ninyo ang game na ito!
-
Maghanap ng maluwag na espasyo kung saan maaari kayong magtakbuhan. Piliin ang isang lugar para maging “Thankful Area.”
-
Maaaring i-tag ng lahat ang isa’t isa! Kapag na-tag ka, ilagay ang kamay sa lugar na na-tag sa iyo. Maaari mo pa ring i-tag ang mga tao gamit ang isa pang kamay mo.
-
Kapag na-tag ka sa ikalawang pagkakataon, ilagay ang kabilang kamay mo sa pangalawang lugar na na-tag sa iyo.
-
Kapag na-tag ka sa ikatlong pagkakataon, magpunta sa Thankful Area at sabihin ang tatlong bagay na pinasasalamatan mo. Kapag nakapagsabi ka na ng tatlong bagay, makakasali ka na ulit sa laro.