E dua na Veitalanoa kei Xiomara me baleta na nona Curu Vou ki na Goneyalewa
Xiomara (cavuti me si-o-MA-ra) e cavutu mai Chiapas, e dua na yasana ena ceva kei Mexico. Se qai toso wale tikoga oqo ki na Goneyalewa.
iMatai, keimami vinakata me kilai iko.
Na ka ni lasa cava o dau cakava?
Vodoka noqu basikeli, qito soka, ka vakasaqa. Na ka au dau taleitaka meu vakasaqara sai koya na quesadillas!
Na cava na nomu roka talei?
Dromodromo.
Na cava o a vakanamata tu mai kina vakalevu me baleta na toso mai na Lalai ki na Goneyalewa?
Au a marautaka dina meu gole ki na valetabu ka caka papitaiso.
Na cava o a vakila me baleta na lako ki na Goneyalewa ena imatai ni gauna?
E a dredre taumada. Au a lomaleqataka na veika era na vakasamataki au kina na goneyalewa qase cake. Au a rere vakalailai me yacova ni keimami sa gole vata kece ki na valetabu. Oqori na gauna a yaco kina me keimami veitokani vinaka sara.
A vakacava beka na lako ki na valetabu ena imatai ni gauna?
E a duatani duadua. Na curu ki loma ni valetabu ni Turaga sa dua dina na ka vakayalo. Au dau vinakata tu ga meu lako ki na valetabu. Ena Lalai keimami dau lagata: “Au taleitaka meu raica na valetabu. Au na lako kina ena dua na siga.” Ia oqo au sa rawa ni kaya, “Au taleitaka meu gole ki na valetabu.”
Ena imatai ni gauna o ya ena valetabu, au a papitaiso ena vukudra eso na noqu nei, eso na wekai buqu (na tinai tinaqu), kei ira tale eso na tamata au a sega ni kilai ira. Na valetabu kei na tuva kawa sa tiki ni noqu ivakadinadina.
Na cava eso na itaviqaravi lasa o sa cakava vata kei ira na nomu ilawalawa ni Goneyalewa?
Caka keke lalai! Keimami a cakava e 150 na keke lalai. Keimami qai veiwaseyaka vei ira na tamata. Era lasa na itaviqaravi ni Goneyalewa. Era sinai tu ena veilesoni vinaka, veivakauqeti, kei na veidusimaki me vukei keimami me daukaulotu ni mataka.
E tiko tale beka eso na goneyalewa ko ni yabaki vata ena nomu tabanalevu?
O au duadua ga. O au duadua ga au lewe ni Lotu ena noqu kalasi e koronivuli.
E dredre beka mo lewe ni Lotu taudua ga e koronivuli?
Sega. Era kila kece na noqu itokani niu vakamuria e duatani na lotu mai vei ira, ia era sega ni okati au meu duidui.
Na cava o taleitaka vakalevu cake me baleta na tiko ena Goneyalewa?
Au taleitaka na vulica vakalevu cake na veika me baleta na iVakabula kei na yavu ni veivakabulai. Sa dua na veivakalougatataki cecere na vakayacori ni cakacaka ni tuva kawa. Au taleitaka meu caka papitaiso ena valetabu meu solia na inuinui vei ira na wekai keitou era sa biuta oti tu mai na vuravura oqo.
Au taleitaka na noqu tiko ena parokaramu ni Goneyalewa!
Droini mai vei Alyssa Tallent