Lako Mai, Mo Muri Au iTaviqaravi Eso ni
Ena lotu vakamatavuvale, vuli ivolanikalou, se ka ni lasa ga!
Taniela kei na Qara ni Laione
Me baleta na Taniela 1–6
iTalanoa: Na parofita o Taniela e dau masu ena veisiga yadua. Eso na tamata vuvu era a lawakitaka na tui me bulia e dua na lawa ca. Ke dua e masu vua na Kalou ena viritaki ki na dua na qara ni laione! A masu ga o Taniela. E a kolotaki ki na qara ni laione, ia a tala mai na Kalou e dua na agilosi me taqomaki koya. (Raica na Taniela 6.)
Sere: “Meu sa Bulataka Tu” (iVolanisere ni Gonelalai, 148)
iTaviqaravi: Kotiva laivi na matakau lalai ena tabana e 17 ka vakayagataka mo talanoataki Taniela kina kei na qara ni laione. Na cava e vinaka kina meda dau masu?
A Tucake Tale ko Jisu
Me baleta na Osea 1–6; 10–14; Joeli
iTalanoa: O Osea e a parofita. A vakatavulica ni o Jisu Karisito ena mate ka qai tucake tale. Oqori a yaco meda rawa ni bula tale kina. (Raica na Osea 13:14.)
Sere: “Ko Jisu Ni Sa Bula Tu?” (iVolanisere ni Gonelalai, 45)
iTaviqaravi: Baleta ga ni a vakaturi cake tale o Jisu Karisito, eda na bula kece tale ena dua na siga. Vakaraica na kedra itaba na lewe ni matavuvale era sa mate. Wasea na kedra italanoa.
Na Cava a Tukuna na Parofita?
iTalanoa: Na parofita o Emosi e vakavulica, “E dina, ena sega ni vakayacora e dua na ka na Turaga ko Jiova, ena vakaraitaka mada ga na nona vosa vuni vei ira na nona italatala na parofita” (Emosi 3:7). E kena ibalebale o ya ni o Jisu Karisito e vosa tiko vei ira Nona parofita edaidai.
Sere: “Turaga Keitou Vuabale” (Serenilotu, naba 10)
iTaviqaravi: Wilika na ka e kaya na parofita ena koniferedi ena tabana e 2. Na cava e tukuna vei keda? Droinitaka e dua na iyaloyalo ka vakaraitaka na veika a vakavulica.
Jona kei na Ika Levu
iTalanoa: A kacivi Jona na Turaga me vakavulici ira na kai Ninive. Ia e a rere o Jona. E a dro o koya. A tilomi koya e dua na ika levu! Ni oti e tolu na siga, a luaraki koya tani mai na ika. A veivutuni o Jona ka vakavulici ira na tamata. (Raica na Jona 1–4.)
Sere: “Vakamuria na Parofita” (iVolanisere ni Gonelalai, 58, ka 7 ni qaqana)
iTaviqaravi: Lako ki tuba ka vakaraica eso na vatu, draunikau, se kau. Vakayagataka me ra cakava kina e dua na iyaloyalo baleti Jona kei na ika levu!
Droini mai vei Katy Dockrill