Na iVola Digitaki
“Sa gauna mo wiliwili kina, Papa,” a kaya o Bernice. A cereka o koya na ivolanikalou. Erau dabe tikivi koya ena idabedabe o Maman [Nana] kei Papa [Tata].
A wilika o Papa na imatai ni ivolanikalou. “Au kila ni sa lomani ira na luvena ko Koya.”
“Au kila ni sa lomani ira na luvena ko Koya,” a tokaruataka tale o Bernice.
“Ia,” a kaya o Papa, “Au sa sega ga ni kila na ibalebale ni veika kece.”*
Ia sa dua dina na vosa dredre. A se sega ni rawa ni wilivola o Bernice, ka sega ni kila o koya na ibalebale ni veivosa kece. Ia a taleitaka o koya me tokaruataka na vosa ni ratou wilika vata na nona matavuvale na ivolanikalou.
Ena siga ka tarava ena gauna ni ivolanikalou, a tiko vei Papa e dua na ka vuni. “E dua na ka talei au via solia vei iko,” a kaya o koya. A solia vei Bernice e dua na ivola. E tiko ena waqana e liu na kedra iyaloyalo na tamata kei na dua na waqa.
“Oqo beka me noqu?” A taroga o Bernice. A mokota sara o koya na ivola levu o ya e ligana.
“Me nomu”, a kaya o Papa. “Dolava.”
A dolava o Bernice na ivola. E a waqa na matana. E tiko kina e vuqa sara na iyaloyalo duiroka.
“Na cava na yacana?” A taroga o Bernice.
E a dusia na vosa e waqana o Papa. “iTalanoa ni iVola i Momani,” a kaya o koya.
E a vakamuria ena nona idusi na vosa e waqana o Bernice. “iTalanoa ni iVola i Momani,” a kaya o koya.
“E tautauvata kei na italanoa eda wilika tiko ena ivolanikalou,” a kaya o Maman.
A dusia o Bernice e dua vei ira na iyaloyalo. “O cei oya?” a taroga o koya.
“Hmm. O raica na dakaitititi kei na kena gasau?” A taroga o Maman.
A deguvacu o Bernice.
“O se nanuma tiko na nomu a wilika baleta e dua a kamusu na nona dakaititi?” A taroga o Papa.
“O Nifai?” A kaya o Bernice.
“Io, oqori o Nifai,” a kaya o Papa.
A matadredredre o Bernice. “Vinaka vakalevu, Papa. “Vinaka vakalevu, Maman. Au taleitaka na ivola oqo.”
Ena veibogi kece, e dau wilika o Bernice na nona ivola ni ivolanikalou vata kei Maman kei Papa. E a dusia na iyaloyalo. A vulica me cavuta eso na vosa dredre. Ka vulica o koya me wilika vakataki koya eso na vosa rawarawa!
Na wili ivolanikalou sa dau vakamarautaki koya. A marau ni rawa ni wiliki ira vata kei Maman kei Papa!
Droini mai vei Adam Record