“Vakanamata kina Valetabu,” iTokani, Noveba 2022, 2–3.
E Dua na iTukutuku ni Koniferedi mai vua na Parofita
Vakanamata ki na ka Valetabu
Tauri mai na “Vakanamata kina Valetabu,” Liaona, Nove. 2022.
Droini ni valetabu mai vei Bailey Rees; tabana ni rokarokataki mai vei Bryan Beach
Ena dua na gauna wale toka ga oqo, keirau a sarava kei Sister Nelson na vidio vou eso ni iVola i Momani. E dua vei ira e vakaraitaka na nona rairai na iVakabula vei ira na Nifaiti. A kaya, “Raica, koi Au ko Jisu Karisito. … Koi au na rarama kei na vu-ni-bula kei vuravura” (3 Nifai 11:10–11).
Sa ka bibi sara ni a rairai na iVakabula vei ira na tamata ena valetabu. Oqo na Nona vale. E vakasinaiti tu ena Nona kaukauwa.
Sa vakatotolotaka tiko na Turaga na tara ni valetabu. Oqo me rawa nira lako kina e vuqa na tamata. Au yalataka ni lako vakawasoma ki valetabu ena vakalougatataki ira vakalevu cake na tamata mai na dua tale na ka.
Ena koniferedi, au a kacivaka kina e 18 tale na valetabu. Ena so na veisiti lelevu, e dau taura e dua na gauna balavu vei ira na tamata mera lako kina valetabu ena nodra siti. Eda na tara tiko kina e vica na valetabu ena so na veisiti lelevu oqo. E va vei ira na valetabu vou ena tara volekati Mexico City.
Kemuni na taciqu kei na ganequ lomani, mo ni vakanamata vakalevu cake kina valetabu mai na kena oni dau cakava mai liu. Au vakalougatataki kemuni mo ni toro voleka yani vua na Kalou kei Jisu Karisito e veisiga. Au lomani kemuni. Me sa tikoga kei kemuni na Kalou me yacova nida qai sota tale.
E Sikovi ira na Nifaiti o Jisu
A rairai na iVakabula vei ira na Nifaiti ena valetabu baleta ni oqo na Nona vale. Sa vakalougatataki keda na Kalou ena vuqa tale na valetabu me vaqaqacotaki keda ka taqomaki keda.