សកម្មភាព ចូរមកតាមខ្ញុំ
សម្រាប់រាត្រីជួបជុំក្រុមគ្រួសារ ការសិក្សាព្រះគម្ពីរ ឬសម្រាប់បង្កើតភាពរីករាយ !
ដានីយ៉ែល និងរូងសិង្ហ
សម្រាប់ ដានីយ៉ែល ១–៦
ដំណើររឿង ៖ ព្យាការីដានីយ៉ែលបានអធិស្ឋានរាល់ថ្ងៃ ។ មានមនុស្សច្រណែនខ្លះបានបោកបញ្ឆោតស្ដេចឲ្យធ្លាក់ចូលក្នុងការបង្កើតច្បាប់អាក្រក់មួយ ។ នរណាម្នាក់ដែលបានអធិស្ឋានទៅព្រះនឹងត្រូវបោះចូលក្នុងរូងសិង្ហ ! ដានីយ៉ែលបានអធិស្ឋាន លោកត្រូវបានគេបោះទៅក្នុងរូងសិង្ហ ប៉ុន្តែព្រះបានចាត់ទេវតាមួយអង្គឲ្យមកការពារលោក ។ ( សូមមើល ដានីយ៉ែល ៦ ) ។
ចម្រៀង ៖ « ខ្ញុំចង់រស់តាមដំណឹងល្អ » ( សៀវភៅចម្រៀងកុមារ ទំព័រ ៧២ ) ។
សកម្មភាព ៖ កាត់រូបម្រាមដៃនៅ ទំព័រ ១៧ ចេញ ហើយប្រើវាដើម្បីប្រាប់ពីដំណើររឿងអំពីដានីយ៉ែល និងរូងសិង្ហ ។ ហេតុអ្វីវាគឺជារឿងត្រឹមត្រូវដើម្បីអធិស្ឋាន ?
ព្រះយេស៊ូវ បានមានព្រះជន្មរស់ឡើងវិញ
សម្រាប់ ហូសេ ១–៦; ១០–១៤; យ៉ូអែល
ដំណើររឿង ៖ ហូសេគឺជាព្យាការី ។ លោកបានបង្រៀនថាព្រះយេស៊ូវគ្រីស្ទនឹងសុគត ហើយមានព្រះជន្មរស់ឡើងវិញ ។ ការណ៍នេះបានធ្វើឲ្យយើងអាចរស់ឡើងវិញម្ដងទៀត ។ ( សូមមើល ហូសេ ១៣:១៤ ) ។
ចម្រៀង ៖ « តើព្រះយេស៊ូវរស់ឡើងវិញឬ ? » ( សៀវភៅចម្រៀងកុមារ ទំព័រ ៤៥ )
សកម្មភាព ៖ ដោយសារព្រះយេស៊ូវមានព្រះជន្មរស់ឡើងវិញ នោះយើងទាំងអស់គ្នានឹងរស់ឡើងវិញម្ដងទៀតនៅថ្ងៃណាមួយ ។ ស្វែងរករូបភាពសមាជិកគ្រួសារដែលបានស្លាប់ ។ ចែកចាយដំណើររឿងអំពីពួកគាត់ ។
តើព្យាការីបានមានប្រសាសន៍អ្វីខ្លះ ?
ដំណើររឿង ៖ ព្យាការីអេម៉ុសបានបង្រៀនថា « ពិតប្រាកដជាព្រះយេហូវ៉ាទ្រង់នឹងមិនធ្វើអ្វីដូច្នោះឡើយ លើកតែទ្រង់សម្តែងឲ្យពួកហោរាជាអ្នកបម្រើទ្រង់ឃើញគំនិតលាក់កំបាំងរបស់ទ្រង់ផង » ( អេម៉ុស ៣:៧ ) ។ ពាក្យនោះមានន័យថា ព្រះយេស៊ូវគ្រីស្ទមានបន្ទូលទៅកាន់ពួកព្យាការីរបស់ទ្រង់នៅសព្វថ្ងៃនេះ ។
ចម្រៀង ៖ « យើងអរគុណទ្រង់ចំពោះព្យាការី » ( ទំនុកតម្កើង ល.រ.១០ )
សកម្មភាព ៖ សូមអានអ្វីដែលព្យាការីបានមានប្រសាសន៍នៅក្នុងសន្និសីទនៅទំព័រ ២ ។ តើលោកបានប្រាប់អ្វីខ្លះដល់យើង ? សូមគូររូបភាពមួយដែលបង្ហាញពីរឿងដែលលោកបានបង្រៀន ។
យ៉ូណាស និងត្រីធំ
ដំណើររឿង ៖ ព្រះអម្ចាស់បានហៅយ៉ូណាសឲ្យបង្រៀនប្រជាជននៅក្រុងនីនីវេ ។ ប៉ុន្តែយ៉ូណាសបានភ័យខ្លាច ។ លោកបានរត់ទៅឆ្ងាយ ។ ត្រីធំមួយបានលេបលោក ! បីថ្ងៃក្រោយមក ត្រីនោះបានខ្ជាក់លោកចេញ ។ យ៉ូណាសបានប្រែចិត្ត ហើយបានបង្រៀនប្រជាជននោះ ។ ( សូមមើល យ៉ូណាស ១–៤ ) ។
ចម្រៀង ៖ « ធ្វើតាមព្យាការី » ( សៀវភៅចម្រៀងកុមារ ទំព័រ ៥៨–៥៩, ឃ្លាទី ៧ )
សកម្មភាព ៖ ចេញទៅខាងក្រៅ ហើយស្វែងរកដុំថ្ម ស្លឹកឈើ ឬមែកឈើមួយចំនួន ។ សូមប្រើវាដើម្បីធ្វើជារូបភាពមួយអំពីយ៉ូណាស និងត្រីធំ !
រចនារូបភាពដោយ ខាធី ដុកគ្រីល