Kaibigan sa Kaibigan
Bakit Gustung-Gusto Ko ang Mga Saligan ng Pananampalataya
Noong bata pa ako, masaya ako sa Primary. Gustung-gusto kong bigkasin ang Mga Saligan ng Pananampalataya. Kahit noong bata pa ako, nauunawaan ko na ang mga ito. Napagpala ako habang ipinamumuhay ko ang mga ito.
Isa sa mga paborito ko ang ikalabintatlong saligan ng pananampalataya. Gusto ko talaga ang unang limang salita. Sabi nito, “Naniniwala kami sa pagiging matapat.”
Naaalala ko kung paano ako tinuruan ni Itay tungkol sa katapatan. Nagsimula siya noong bata pa ako. Bibigyan niya ako ng isang bagay na aalagaan ko para sa kanya. Pagkatapos ay tinatanong niya ako kung nasa akin pa rin ito. Masaya akong sabihing, “Opo, Itay, inaalagaan ko ito.” Sa ganitong paraan, itinuro sa akin ni Itay na maging matapat at gawin ang sinabi kong gagawin ko.
Ang ikalabintatlong saligan ng pananampalataya ay nagtuturo sa atin na maging tunay na mga tagasunod ni Jesucristo. Nais kong pag-aralan ito ng bawat batang lalaki at batang babae at ipamuhay ang sinasabi nito.
Ibahagi sa iyong pamilya at mga kaibigan ang Mga Saligan ng Pananampalataya. Sabihin sa kanila kung paano ka natutulungan ng Mga Saligan ng Pananampalataya sa iyong buhay. Alam ko na kapag ginawa mo ito, mas magiging maliwanag ang iyong buhay. Magiging ilaw ka rin sa iba.
Mga paglalarawan ni Becky Davies