Minahal kong mga Higala,
Tan-awa ang inyong palibot. Ang tanang mata, buhok, ug panit sa mga tawo lahi-lahi og mga kolor. Ang ilang mga utok ug mga lawas molihok sa lahi-lahi nga paagi, ug lahi-lahi sila og mga gidak-on ug mga porma. Ug, sama sa gitudlo ni Presidente Nelson, “Kitang tanan mga igsoon, matag usa anak sa mahigugmaong Amahan sa Langit.” Basaha ang mensahe sa propeta diha sa pahina 2. Dayon pangitaa kon sa unsang paagi ang mga bata dinhi niini nga isyu managlahi ug talagsaon!
Uban sa gugma,
Ang Higala
P.S. Sulati ug sultii kami kon sa unsang paagi kamo motahud ug mopaapil sa uban!
Diin Kami Magbasa sa Higala
Ganahan kami nga mobasa sa magasin sa dili pa matulog. Makapadasig ang tinuod nga mga istorya ug makalingaw ang mga dula! Ganahan kami nga mobasa mahitungod sa ubang mga bata ug gusto kami nga makakita sila nga kami mobasa sa Higala sa pinulongan nga Dutch.
Yali ug Mayra N., 8 ug 10 anyos, Bonaire, Dutch Caribbean
Gusto ko nga Makakita sa Templo
Milana B., 5 anyos, mibista sa Templo sa Seoul Korea!
Ang Akong Nagkadako nga Hugot nga Pagtuo
Nalingaw kami sa paghimo sa among mga basahon bahin sa hugot nga pagtuo (Hulyo 2020)!
Alexander ug Emilio C., 2 ug 4 anyos, Puebla, Mexico