Sinulat Nimo
Makita Nako Pag-usab ang Akong Igsoong Lalaki
Ni Isabella S., edad 11, Utah, USA
Sa usang semana mao ang ad-lawng natawhan sa akong igsoong lalaki nga si Gabriel. Syete anyos na unta siya, apan duna siyay cerebral palsy ug namatay duha na katuig ang milabay. Sa Primary kami mikanta og “Getsemani.” Ang mga pulong klaro ug makahuluganon. Ang kwarto nalukop sa pagbati sa Espiritu.
Human sa kanta, si Sister Webster mihatag sa iyang pagpamatuod sa Pag-ula ni Jesukristo. Milukop sa kwarto ang pagbati sa Espiritu. Dayon siya naghisgut kon sa unsang paagi ang iyang igsoong lalaki namatay pipila ka tuig nang milabay. Nakapahunahuna kini nako ni Gabriel, ug kahilakon nako. Naghunahuna ko niadtong higayon nga gigunitan nako si Gabe sa katapusang higayon. Naguol ko, apan mibati usab ko og kalinaw.
Si Sister Webster naghisgot kon unsa siya kalipay nga masayud nga siya makakita pa sa iyang igsoong lalaki pag-usab. Siya miingon nga siya nasayud nga kitang tanan makakita sa atong minahal nga namatay na.
Human sa Primary akong gigakos si Sister Webster. Nanghilak mi sulod sa pipila ka minuto. Kusog kaayo ang Espiritu. Siya misulti nako nga ako makakita sa akong manghud nga lalaki pag-usab. Miingon siya nga ang Pag-ula ni Jesukristo dili lamang alang sa mga dautan apan alang usab sa nasakitan. Siya nangutana kon unsa ang akong gikamingawan kabahin ni Gabe, ug miingon ko nga gimingaw ko sa iyang katawa.
Akong gisultihan si Sister Webster nga ako naguol tungod kay adlawng natawhan ni Gabriel niadtong semana ug kinahanglan gayud nakong masayran kon makita nako ang akong igsoon nga lalaki pag-usab. Misulti siya nako nga ang mga luha nga among gihilak mga luha sa kalipay. Akong gibati ang Espiritu, ug nasayud ko unsay iyang gisulti tinuod. Nakasiguro ko nga makita nako pag-usab si Gabriel, ug kana nakapalipay kaayo nako. Ako siyang gihigugma. Nasayud ko nga tungod kay si Jesukristo nahigugma kanako, Siya mihatag sa Iyang kinabuhi aron makita nako pag-usab si Gabriel.
Paghulagway ni Judy Bloomfield