Matinabangong mga Kamot [Helping Hands] sa tibuok Kalibutan
Himamata si Shilohgikan sa Pilipinas
Himamata ang mga bata sa Primary nga nagtabang sa uban, sama sa gibuhat ni Jesus.
Tanan kabahin ni Shiloh
Edad: 7
Gikan sa: Pilipinas
Mga Pinulongan: Filipino, Iningles
Pamilya: Mama, Papa, ug tulo a mga magulang nga igsoon
Mga tumong ug pangandoy: 1) Kanunayng moserbisyo sa uban. 2) Mahimo nga usa ka mananayaw. 3) Mahimo nga usa ka malampusong chef.
Matinabangong mga Kamot [Helping Hands] ni Shiloh
Ganahan si Shiloh nga motabang sa mga tawo bisan asa siya moadto. Siya mahigalaon kaayo sa iyang mga kauban sa klase didto sa eskwelahan. Dili igsapayan bisan unsa pa sila ka managlahi. Siya nasayud nga ang matag usa anak sa Dios! Si Shiloh dunay kondisyon nga gitawag og Down syndrome, ug ang iyang labing suod nga higala, si Kharl, dili makalakaw. Si Shiloh kanunayng motabang ni Kharl sa iyang wheelchair.
Si Shiloh kanunayng andam nga makigdula sa tanan, bisan wala pa siya makaila sa mga bata. Ganahan siya nga makabaton og bag-ong mga higala. Usa ka higayon sa dihang ang iyang pamilya mibisita sa Manila Philippines Temple, nakamatikod siya og usa ka batang babaye nga naa sa waiting room nga walay kadula. Miduol siya ug misugod sa pakigdula uban kaniya. Mipaambit pa gani siya sa iyang tablet ngadto niya.
Mga Paborito ni Shiloh
Dapit: Ang dulaanan [playground]
Ang Istorya kabahin ni Jesus: Sa dihang Siya mipanalangin sa gagmayng mga bata
Primary nga awit: “Sunda ang Kasugoan” (Songbook sa mga Bata, 68)
Pagkaon: French fries, isda, mga itlog, ug kan-on
Kolor: Asul
Subject sa eskwelahan: Math
Ania si Shiloh uban sa pipila sa iyang higala.
Mga paghulagway pinaagi ni Hollie Hibber