Pagkat-on Pa og Dugang
Ang Perpetual Education Fund (PEF) nga programa sa loan makatabang sa mga miyembro sa Simbahan sa tanang pangidaron nga makabaton og edukasyon nga moresulta sa usa ka self-reliant nga trabaho. Sukad 2001 kining programa nakatandog sa mga kinabuhi sa sobra sa 90,000 ka indibidwal sa tibuok kalibutan. Pinaagi sa pagbayad sa loan ug sa ubay-ubay nga mga donasyon, kining pundo magpadayon sa paghaw-as sa mga indibidwal ug sa mga pamilya gikan sa kakabus ug ngadto na sa pagbarug sa kaugalingong pagpaningkamot sulod sa mga dekada nga moabut.
Aron makakat-on og dugang pa mahitungod sa gigikanan sa PEF, mahimo nimong basahon ang pakigpulong nga gihatag ni Presidente Gordon B. Hinckley (“The Perpetual Education Fund,” Ensign, Mayo 2001, 52–53) nga gihatag atol sa kinatibuk-ang komperensya.
A,B,C,D
Albania, American Samoa, Antigua ug Barbuda, Argentina, Barbados, Belize, Bolivia, Botswana, Brazil, Cambodia, Cape Verde, Chile, Colombia, Costa Rica, Dominican Republic
E,F,G,H
Ecuador, El Salvador, Fiji, DR Congo, Ghana, Grenada, Guatemala, Guyana, Haiti, Honduras, Hong Kong
I,J,K,L
India, Indonesia, Ivory Coast, Jamaica, Kenya, Kiribati, Lesotho, Liberia
M,N,O,P
Madagascar, Malawi, Malaysia, Mexico, Namibia, Nicaragua, Nigeria, Mozambique, Pakistan, Panama, Papua New Guinea, Paraguay, Peru, Pilipinas, Portugal, Puerto Rico
Q,R,S,T
Samoa, Sierra Leone, South Africa, South Korea, Spain, St. Kitts ug Nevis, St. Lucia, St. Vincent, Suriname, Swaziland, Taiwan, Tanzania, Thailand, Togo, Tonga, Trinidad ug Tobago
U,V,W,X,Y,Z
Uganda, Uruguay, Vanuatu, Venezuela, Zambia, Zimbabwe
Makigtambayayong ka uban sa imong bishop o presidente sa branch aron sa pagdesisyon kon kwalipikado ka ba alang sa PEF nga loan. Magkinahanglan ka sa iyang pag-endorso aron sugdan ang proseso sa application. Ang tulo ka kwalipikasyon mao nga ikaw takus, nagkinahanglan, ug determinado.
Takus
Ang makwalipikado alang sa PEF nga loan magsugod sa pagsunod sa ebanghelyo ug makwalipikado ug makadawat og rekomend sa templo (mga rekomend nga limitado ang paggamit ma-apply usab).
Nagkinahanglan
Ang mga pundo sa PEF sagrado ug alang lamang sa mga miyembro nga adunay hilabihan nga panginahanglang pinansyal.
Hunahunaa ang tanan nimong nagkalain-laing mga tinubdan sa kinitaan (imong kaugalingon ug sa imong pamilya) aron sa pagbayad sa eskwelahan. Mahimong maglakip kini sa mga grant ug mga scholarship. Kon nagkinahanglan ka og tabang sa pagkat-on og lain-laing mga paagi sa pagbayad sa imong edukasyon, tan-awa sa Education for Better Work [Edukasyon alang sa Mas Maayong Trabaho], mga pahina 95–116, o kontaka ang inyong self-reliance specialist sa stake o ang inyong lokal nga self-reliance center.
Determinado
Kinahanglan kang motrabaho og maayo, magkugi sa pagtuon, ug mobuntog sa mga hagit aron makagradwar gikan sa imong programa, makakita og mas maayong trabaho, makabayad sa imong loan, ug mahimong self-reliant.
Nganong kinahanglan nimong bayaran ang imong loan
Matag higayon nga mobayad ka sa loan, makahimo ka og oportunidad alang sa usa ka tawo nga mahimong self-reliant pinaagi sa edukasyon. Ang imong pagkamatinuoron sa pagbalik sa mga pundo nga imong gihulaman makapanalangin sa imong kinabuhi, sa imong pamilya, ug sa mga kinabuhi niadtong mosunod kanimo.
Ang pagbaton og edukasyon usa ka makapausab sa kinabuhi nga kasinatian, apan mahimong mahal usab kini. Ang PEF nga mga loan magamit sa kwalipikado nga teknikal ug bokasyonal nga mga programa nga molungtad og dili mosobra sa duha ka tuig. Gigamit kini sa pagbayad alang sa matrikula ug mga bayranan (sama sa mga suplay, mga libro, mga sertipikasyon, ug mga eksamin). Ang PEF nga mga loan dili magamit aron pagbayad sa gasto sa biyahe paingon ug pauli gikan sa eskwelahan, inadlaw nga mga galastuhan, o sa gasto sa computer o ubang mga tabang sa pagtuon.
Giawhag ka namo sa pagribyu sa kapitulo 6 sa Education for Better Work [Edukasyon alang sa Mas Maayong Trabaho] ug sa pagkompleto sa tanang kalihokan nga gisugyot aron matino nimo ang pinakamaayong paagi sa pagbayad sa imong edukasyon.
Pananglitan, kinahanglan nimong hunahunaon ang gasto sa pagbiyahe paingon ug gikan sa eskwelahan, ang gasto sa computer o ubang mga tabang sa pagtuon (kon gikinahanglan), ug ang imong inadlaw nga mga galastuhan. Kining mga gasto wala malakip sa PEF nga loan.
Human maaprubahi ang imong loan ug nagsugod na ka sa pag-eskwela, magsugod na ka sa pagbayad. Kining mga bayad maminusan og dako samtang nag-eskwela pa ka. Sa pagsusi sa mga kantidad sa imong loan nga bayaran, mahimo kang mo-sign in sa PEF student website. Ang matag nasud nagtanyag og lain-laing mga opsyon sa pagbayad aron makatabang nimo nga makabayad sa imong loan.
Sa higayon nga makagradwar na ka sa eskwelahan, magsugod na ka sa pagbayad sa imong account balance. Magdepende sa kataas sa imong programa ug sa kantidad sa imong loan, kinahanglan nimong mabayran ang imong loan, lakip na ang interes, sulod sa lima ka tuig.
Kon ikaw adunay kalisdanang pinansyal, mga problemang medikal, o uban pang mga isyu nga nakapalisud sa pagbayad sa imong PEF, mahimong mokwalipikado ka alang sa usa ka temporaryong pag-restructure sa loan. Palihug kontaka ang inyong self-reliance specialist sa stake o ang lokal nga opisina sa PEF sa inyong dapit aron makakat-on pa og dugang.
Kon mibalhin ka gikan sa nasud diin nimo gisugdan ang imong PEF nga loan, kinahanglan nimong kontakon ang opisina sa PEF sa dapit kon asa ka nagpuyo karon aron mabalhin ang imong account. Makatabang kini sa proseso sa imong pagbayad.