Gusto kong mag-loan

Mga lakang aron makakuha og PEF Loan:

  1. Kompletuha ang Education for Better Work [Edukasyon alang sa Mas Maayong Trabaho] nga grupo sa self-reliance. Kini nga kurso makatabang nga imong matino ang matang sa trabaho nga gusto nimong buhaton, ang pagbansay nga gikinahanglan ug unsaon sa pagbayad sa pagbansay.
  2. Pagpainterbyu sa imong bishop o presidente sa branch. Human makadawat sa imong pinirmahan nga porma nga giendorso sa naghupot sa pagkapari, makasugod na ka sa imong loan application diha sa PEF student portal.
  3. Kompletuha ang online loan application gamit ang imong LDS Account ug ang plano sa edukasyon nga imong gibuhat diha sa imong Education for Better Work [Edukasyon alang sa Mas Maayong Trabaho] nga grupo. Mahimo kang mogamit sa computer sa inyong lokal nga self-reliance center, Institute of Religion, family history center, o bisan asa nga adunay koneksyon sa internet.

Kon ikaw adunay mga pangutana mahitungod sa application, ang self-reliance specialist sa inyong stake o district mahimong makatabang nimo.

Isumiter

Sa higayon nga mahuman na nimo ang tanang lakang sa imong PEF application, imo kining isumiter aron maribyu. Kon andam na ka, ang proseso sa pagribyu sa application dali ra kaayo. Kon ikaw wala sa tukmang mga dokumento o adunay mga pangutana sa mga detalye sa imong application, mahimong molungtad kini og pipila ka semana.

I-follow up

Human nimo masumiter ang application, kinahanglan nimong susihon kanunay ang kalamboan sa imong application diha sa PEF student website ug motubag dayon sa bisan unsang mga mensahe o mga kausaban nga gihangyo. Kon mas paspas nimong mahimo ang mga kausaban nga gihangyo ug motubag sa mga tigribyu, mas daling maaprubahan ang imong application.

Sunod nga Lakang

Kon aprubahan ang imong application, mahimo kang mo-request sa imong unang disbursement, o bayad gikan sa loan, nga, kon aprubahan, mo-finalize sa proseso sa pag-aprubar.

Mo-renew

Kon nagpalista ka sa usa ka programa nga mas taas kay sa usa ka tuig, importante kaayo ang paghinumdom sa pag-renew sa imong loan kada tuig walo o siyam ka bulan human mapirmahi ang imong porma sa pag-endorso sa pagkapari. Makapasubay ni nimo sa pagkompleto sa pagbansay ug pagsiguro nga ang imong eskwelahan makakuha sa hustong mga pundo sa tukmang panahon.