Mga Tubag sa Kasagarang mga Pangutana

Ang mga grupo sa pagbarug sa kinaugalingong paningkamot mohiusa sa mapuslanong mga kahanas ngadto sa espiritwal nga mga baruganan aron matabangan ang mga tawo sa pagtabang sa ilang kaugalingon. Ang mga grupo sa pagbarug sa kinaugalingong paningkamot sa kasagaran gamay ra, mas diyutay kay sa 12 ka tawo ug pangulohan sa usa ka facilitator, dili usa ka eksperto o magtutudlo. Ang matag grupo sa pagbarug sa kinaugalingong paningkamot magtutok og usa sa upat ka mga hilisgutan; panarbaho, edukasyon, ginagmayng negosyo, o personal nga panalapi.

Ang mga grupo sa pagbarug sa kinaugalingong paningkamot makatabang sa mga tawo sa pagbuntog sa mga hagit sa kinabuhi ug paglig-on sa ilang pagtuo. Ang mga sakop sa grupo mopalambo sa ilang panarbaho, edukasyon, mga pinansyal, ug mga negosyo.

Dili. Ang mga grupo sa pagbarug sa kinaugalingong paningkamot gidisenyo nga i-facilitate, dili itudlo pinaagi sa usa ka eksperto. Ang mga materyal maoy eksperto, ug ang Espiritu ug ang kusog sa grupo maoy mohulip sa kulang. Sunda lang ang mga materyal ug tinguhaa ang Espiritu.

Ang mga grupo sa kasagaran mag-abut kausa sa usa ka semana sulod sa 12 ka semana. Ang mga miting sa grupo sa kasagaran mga 90 minutos ug mga 2 ka oras ang gitas-on. Ang pinadali nga opsyon anaa alang sa grupo nga Pagpangita og Mas Maayong Trabaho.

Kon maporma na ang inyong grupo, hukman ninyo diha sa grupo kon kanus-a ug kon asa kamo mag-abut.

Ang mga sakop sa grupo pweding dapiton sa pag-apil, o pwede silang moapil sa usa ka grupo sa ilang pagbuot. Ang mga grupo sa kasagaran maporma pinaagi sa usa ka debosyonal, apan maporma usab kini bisan walay debosyonal. Ang mga grupo kinahanglang maporma ubos sa direksyon sa lokal nga mga lider. Ang mga sakop sa grupo magsabut aron mahukman kon kanus-a ug kon asa mag-abut. Pinakaminos usa ka facilitator ang ibutang sa matag grupo.

Mag-agad kini sa daghang butang, maglakip sa kon pila ka tawo ang mopili sa matag grupo ug kon sa unsang paagi hukman sa inyong ward o stake ang pagbutang kanimo ngadto sa usa ka grupo. Mas maayo nga makigtambayayong ka sa imong espesyalista [specialist] aron masuta kon unsaon kini sa paghimo diha sa inyong stake o ward.

Pipila ka semana sa dili pa ang unang miting sa imong grupo, kontakon ka sa imong espesyalista sa pagbarug sa kinaugalingong paningkamot o sa laing lokal nga lider aron makatambong og pagbansay sa facilitator [facilitator training]. Makatabang kini nga imong masabtan ang tahas sa usa ka facilitator, unsaon sa pag-facilitate, ug sa uban pa nimong mga responsibilidad. Kon gusto kang mobasa og una, makita nimo ang manwal sa pagbansay dinhi. Pwede usab nimong tan-awon kini nga mga video o ang pipila niining mga pagbansay gamit ang internet [online].

Ang mga grupo sa pagbarug sa kinaugalingong paningkamot sama sa usa ka konseho [council], dili sama sa usa ka klase. Ayaw paghimo og linya. Hinuon, ipahimutang ang mga lingkuranan nga ang mga sakop sa grupo makakita sa usag usa ug dali rang makasulat sa ilang mga manwal. Sama pananglit, mas maayo nga magliyok sa paglingkod ang mga sakop sa grupo libut sa lamesa. Isip usa ka facilitator, ayaw paglingkod sa atubang sa lamesa. Moapil lang gyud ka sa grupo.

Ang mga grupo sa pagbarug sa kinaugalingong paningkamot pwede rang mag-abut bisan asa. Daghang grupo ang mag-abut sa mga building sa simbahan. Ang uban mag-abut sa balay sa facilitator o sa mga sakop sa grupo. Mahukman ninyo kini kauban sa inyong grupo. Posibling makatabang ang pagpakisusi ngadto sa imong espesyalista [specialist] sa pagbarug sa kinaugalingong paningkamot. Kon adto sa building sa simbahan kamo mag-abut, pakigtambayayong sa imong espesyalista sa pagbarug sa kinaugalingong paningkamot aron makagamit ka sa building.

Ribyuha daan ang mga materyal ug moadto ka nga andam dala ang gikinahanglang mga video. Wala kinahanglana nga moadto ka nga daw magtudlo ka og usa ka leksyon. Ipamilyar lang ang mga materyal. Dayon, diha sa miting sa grupo, sunda lang ang mga materyal sigun sa unsay nasulat.

Makita nimo ang mga elektronik nga bersyon sa mga libro ug mga link sa tanang video dinhi. Maayo nga ideya nga imong i-download daan ang mga video para sa imong mga miting sa grupo tungod kay basin og dili maayo ang koneksyon sa internet. Pakigtambayayong sa imong espesyalista sa pagbarug sa kinaugalingong paningkamot aron makuha ang igong gidaghanon sa mga kopya sa mga manwal alang sa imong mga miting.

Ang tanang video anaa sa online sa srs.lds.org/videos. Matan-aw ra nimo ang mga video diha sa computer, sa telebisyon, sa tablet, o gani sa imong smartphone.

Kon mamatikdan nimo nga dunay wala katambong sa usa ka miting sa grupo, awhaga sila nga ilang hulipan ang leksyon sa iyang kaugalingon, kauban sa usa ka action partner, o kauban nimo.

Pagtawag og tawo nga mo-facilitate sa miting kon wala ka (imbis ikanselar ang miting). Hinumdumi, ang mga facilitator magsunod ra gayud sa materyal. Pwede kang mohangyo og laing sakop sa grupo aron mo-facilitate, o pwede nimong hangyoon ang inyong espesyalista sa pagbarug sa kinaugalingong paningkamot nga mohimo niini para nimo.

Basin gikinahanglan nga dili nimo idayon ang miting. Pahibaloa ang imong espesyalista [specialist] sa pagbarug sa kinaugalingong paningkamot. Ubos niini nga mga kahimtang, ang ubang mga grupo molapas og 12 ka semana sa pagkompleto niini nga kurso.

Usahay mahitabo kini. Pakigtambayayong sa imong grupo aron madapit kini nga tawo para sa sunod nga miting. Tabangi ang action partner niining tawhana sa pagtanyag og suporta ug pagdasig. Sulayi sa pagsabut kon unsay nanghitabo sa kinabuhi niining tawhana maong naglisud sila sa pagtambong.

Wala kini gidasig. Ang gitas-on ug ang sulod sa matag kurso sa grupo gidesinyo alang sa piho nga mga resulta ug ang mga grupo giawhag nga mosunod sa materyal sigun sa nasulat. Hinoon, ang pipila ka may kalabutang mga sulod posibling magkalain-lain o posibling adunay lain nga dili kalikayang lokal nga panginahanglan. Magpakisusi sa espesyalista sa stake sa dili pa mohimo og mga kausaban.

Ang pagpaambit usa ka natural nga bahin sa mga grupo sa pagbarug sa kinaugalingong paningkamot, apan posibling usahay daghan kaayog isulti ang usa ka tawo nga ang uban magpanuko na sa pagpaambit. Makatabang ang pagpakigsulti nianang tawhana nga kamo rang duha, dili atol sa miting sa grupo. Ipasabut unsay imong naobserbahan ug sa unsang paagi kaha kini nakaapekto sa grupo. Hangyoa ang tawo nga ipaambit ang bisan unsang mga problema, ug sutaa kon makakuha ba kamo og sulbad nga mas maayo alang sa tanan diha sa grupo.

Human sa unang miting sa grupo, adto sa srs.lds.org/report ug kompletuha ang Report sa Pagparehistro sa Grupo.

Atol sa katapusang miting sa grupo, kompletuhon sa mga sakop sa grupo ang ilang personal nga mga assesment. Kolektahon sa facilitator kini nga impormasyon, ug human sa miting sa grupo iyang kompletuhon ang End of Group nga report diha sa srs.lds.org/report. Ang pagkompleto sa report maglakip usab sa pagpangayo og mga sertipiko. Ipadala sa usa ka manager sa pagbarug sa kinaugalingong paningkamot ang mga digital nga kopya sa mga sertipiko ngadto sa espesyalista sa pagbarug sa kinaugalingong paningkamot kinsa maoy moprinta niini, papirmahan kini, ug mosiguro nga makuha sa mga sakop sa grupo ang ilang mga sertipiko.

Matag semana, ang mga sakop sa grupo magpares-pares ug mosaad nga mosuporta sa usag usa. Kini nga magkapares gitawag og mga action partners. Ang mga action partners pweding manawag o magpadala og mensahe sa usag usa sa dili pa ang mga miting sa grupo. Ang magka-action partner sa kasagaran managsama og sekso ug dili kapamilya. Ang magka-action partner pweding magpuli-puli matag semana, apan wala kinahanglana.

Ang tanan dawaton sa mga grupo sa pagbarug sa kinaugalingong paningkamot. Pakigtambayayong sa tanan diha sa imong sakop sa grupo aron matabangan silang mobati nga gidawat. Magmasensitibo sa mga panglantaw ug pagsabut sa mga tawo nga gikan sa lain-laing tinuohan. Tingali makatabang ang pagpasabut sa pipila ka mga kasulatan o mga kinutlo nga piho sa Ang Simbahan ni Jesukristo sa mga Santos sa Ulahing mga Adlaw. Mahimo usab nga usabon ang pipila ka mga pasalig nga gibase sa tinuohan.