Mahitungod Niini nga Isyu
Tema Karong Bulana: Pagpalambo sa Pagbarog pinaaagi sa Kinaugalinong Paningkamot
Minahal nga mga tigbasa,
Nagkalisod mi og gamay sa termino nga pagbarog pinaagi sa kinaugalingong paningkamot samtang nagplano mi niini nga seksiyon.
Sa usa ka bahin, gusto namo nga makabaton kamo sa mga himan sa pagpalambo og maayo, makatagbaw nga kinabuhi para sa inyong kaugalingon ug sa inyong mga pamilya karon o sa umaabot. Nanghinaot kami nga nasayod kamo nga dili kinahanglan nga magsalig mo sa laing tawo para sa inyong mga pagpamatuod. Gusto mi nga kamo makahimo, andam, ug maayong, makabarog pinaagi sa kinaugalingong paningkamot.
Sa laing bahin, dili mi gustong magpadala og mensahe nga ang makahimo sa pagbarog pinaagi sa kinaugalingong paningkamot nagpasabot nga kinahanglan buhaton nimo ang tanan nga kamo ra. Tungod kay, sa maingon tang sukwahi nga pagkasulti, ang mga tawo nga labing makahimo ug adunay igong katakos adunay lig-on nga koneksyon—sa Manluluwas ug sa mga tawo sa ilang palibot.
Mao nga ang among buot ipasabot sa pagbarong pinaagi sa kinaugalingong paningkamot dili mao ang pagsalig lamang sa inyong kaugalingon; mao kana ang pagbaton og kahanas sa pagtukod og lig-on ug makahuloganong kinabuhi. Ug wala lamang kami magpasabot sa temporal nga mga kahanas sama sa pagluto og masustansiyang pagkaon o pag-ilis og ligid—ang pagbarog pinaagi sa kinaugalingong paningkamot may kalabotan sa espirituwal, ug emosyonal usab nga mga abilidad.
Uban niana sa hunahuna, ania ang pipila ka istorya nga mopadasig sa inyong pagkat-on:
-
Sa unsang paagi ang pag-angkon og patriyarkal nga panalangin nakatabang ni Elder Morrison sa Seventy sa pagpangita og direksiyon ug tumong sa iyang kinabuhi
-
Ang dugay nga panlimbasog sa usa ka young adult sa India aron makabayad sa utang ug moserbisyo og misyon
-
Unsa ang nakahatag og motibo sa usa ka young adult sa Pilipinas nga magpadayon sa iyang edukasyon, bisan kon gibati niya nga nag-inusara ug nahadlok
-
Giunsa sa usa ka young adult gikan sa Peru pagkat-on sa pagpalambo og mas balaan nga mga kinaiya sa dihang mipalayo gikan sa ilang dapit
Kita usab adunay mga sugilanon nga kabahin sa atong padayon nga mga serye:
-
Gihatagan og Dakong Importansiya nga Debosyonal: Tambag gikan ni Elder Boom sa Seventy mahitunogd sa pagbalanse sa atong mga prayoridad
-
Mga Kahanas sa Kinabuhi: Mga kahanas nga makatabang ninyo nga molampos sa inyong pagpangita og trabaho
-
Paggamit sa Doktrina ug mga Pakigsaad nganha sa Inyong Kinabuhi: Suporta alang sa inyong Dali, Sunod Kanako nga pagtuon mahitungod sa pagtinguha nga makat-on gawas sa pormal nga edukasyon
-
Linain hilabi na alang sa mga Bag-ong Kasal: Giunsa sa usa ka batan-on nga bana ug amahan pagbuntog sa kahasol nga iyang gibati mahitungod sa pag-atiman sa panginahanglanon sa iyang pamilya
Bisan unsa pa nga mga kahanas ang inyong gipaningkamotan sa pagpalambo, manghinaot mi nga mosalig mo labaw sa tanan ni Jesukristo. Kon ang ekonomiya daw mahagiton, kon nabalaka mo nga ang inyong mental nga kahimsog dili makasagubang sa inadlaw nga mga hagit sa pagpakabuhi, o kon nanglimbasog mo sa inyong mga kinaiya sa ebanghelyo, hibaloi nga anaa Siya aron molig-on kaninyo. Nagasalig Siya kaninyo.
Ayaw ipaubos ang inyong abilidad nga mahimong takos, maluluy-on nga disipulo ni Kristo kinsa makatukod sa Iyang Simbahan ug makapanalangin sa Iyang mga anak.
Naglaom kami kaninyo,
Alison Wood, YA Matag Semana Tighatag og mga koreksiyon sa kopya nga iimprinta