Mga Kahanas sa Kinabuhi
3 ka Giya nga Motabang Kaninyo sa Pagpahiangay sa mga Kausaban sa Kinabuhi
Ang kinabuhi kadaghan nga mausab atol sa batan-ong pagkahamtong. Ania ang pipila ka sugyot nga motabang kaninyo sa pagkaplag og kalinaw.
Walay dili makapahimutang kanako sama sa usa ka kalit nga kausaban sa akong naandan nga paagi, maayo man kini o wala damha.
Ang kausaban mahimong malisod (bisan ang maayong mga kausaban!), ug isip mga young adult, kami mahimong mag-atubang og dugang pa nga mga kausaban atol niining punto sa among mga kinabuhi kay sa bisan unsa pang uban. Magplano sa pagpakigdate ug pagminyo, pauli human sa mga misyon, magdawat og bag-ong mga calling, mobalhin, magpadayon sa pag-eskwela o pagtrabaho, mag-amuma og mga bata, o maghimo og mga pakigsaad—tanan samtang naninguha sa pagpangita og lig-on nga kabarogan niining kanunay nga mausabong kalibotan.
Si Presidente Thomas S. Monson (1927–2018) makausa miingon:
“Sa usa ka higayon o sa lain tanan kita nakadungog sa pamilyar nga panultihon: ‘Walay laing mas makanunayon kay sa kausaban.’
“Sa tibuok natong kinabuhi, kinahanglan kitang makasugat ug mohimo mga kausaban. Ang ubang mga kausaban gihangop; ang uban wala.”
Nag-atubang sa nagkalainlaing dagko nga mga kausaban niini nga panahon sa kinabuhi makahimo sa pagbilin kanato og pagbati nga mabalak-on ug diyutay nga kalibog usahay. Apan sa mapasalamatong paagi, adunay pipila ka mga butang nga kita makabuhat sa pagtabang kanato sa pagpangita og kalig-on, kahupayan, ug kawalay kabalaka ngadto niining tanan:
1. Buhata ang Usa ka Tahas sa Hinay ug Kanunay nga Paagi
Nakaatubang ako og daghang dagko nga mga kausaban sa akong kinabuhi nga sa tinuod mipabati kanako nga wala mahimutang.
Ako dihay taas nga mga gipaabot alang sa akong kaugalingon nga daling makapahiangay, ug mahimo akong mahigawad kon molabay ang panahon ug ako sa gihapon mibati nga wala mahimutang. Hinoon, ako nakakat-on nga adunay gahom sa paghimo og “gagmay apan kanunay nga mga lakang” kon mosagop og kausaban.
Ang Langitnong Amahan makatabang kanato sa pagpahiangay ngadto sa kabag-ohan, bisan og ang pagpahiangay mao ang paghimo lamang og gagmay nga mga lakang sa unahan aron sa pagsagop sa kausaban.
Dili kinahanglan nga kita mopugos sa atong mga kaugalingon sa paghunahuna og himo sa tanan dihadiha dayon. Hinoon, atong buhaton ang mga butang sa hinay ug kanunay nga paagi! Buot hunahunaon “pinaagi sa gagmay ug yano nga mga butang , mahitabo ang dagkong mga butang” (Alma 37:6). Magmapailubon ug magmabination sa imong kaugalingon samtang ikaw nag-anad nganha sa imong bag-ong kausaban.
2. Pagmalaumon
Usahay ang kausaban makadala og usa ka pagbati sa pagkanawad-an, pagkanabalhin, o ubang malisod nga mga pagbati. Walay kahimtang nga magpabilin nga mao gihapon hangtod sa hangtod.
Sa pagkatinuod, si Elder Dieter F. Uchtdorf sa Korum sa Napulog Duha ka Apostoles bag-ohay nga mipamatuod nga “kinaiyahan lang sa tanang yutan-ong mga butang ang pagkatigulang, pagkadunot, pagkaguba o pagkabahaw. Apan ang diosnong kalipay mahangtoron, tungod kay ang Dios mahangtoron.”
Ako malaumon nga tawo sa kasagarang mga panahon, apan ang akong utok daling makahunahuna ug makahatag og labing bati nga mga konklusyon—ilabi na sa wala pa o human sa usa ka dakong kausaban sa kinabuhi. Bisan pa, nahibalo nga anaa sa kasingkasing sa Langitnong Amahan ang akong labing maayo nga mga kaayohan nagtabang kanako sa paghinumdom nga bisan unsa ang mahitabo, mahimo ra nga OK ang tanan.
Anaa kanato ang tanang rason sa pagkamalaumon mahitungod sa umaabot. Bisan kon ang mga butang wala mahimo sa paagi nga atong gidahom, ang hingpit nga kalipay kanunay posible nga makab-ot tungod ni Jesukristo.
3. Tutok diha sa Imong mga Pakigsaad
Kon ang kausaban sa kinabuhi sa kanunay nagliyok kanako, akong makaplagan ang kasigurohan diha sa kahibalo nga ang akong mga pakigsaad dili mausab.
Kini mga mahangturon.
Nahibalo ako nga ang Dios magtuman sa Iyang mga saad ngari kanako ug nagpasalig kanako pag-usab nga ako adunay gahom sa pag-atubang sa tanan nga moabot sa akong kinabuhi. Oo, mga kausaban sa atong mga kinabuhi makatumba sa atong kaugalingon, apan ang pagpabilin nga matinud-anon ngadto sa atong mga pakigsaad makatabang kanato sa pagkaplag sa kusog nga atong gipangita.
Si Elder Ulisses Soares sa Korum sa Napulog Duha ka Apostoles mipamatuod nga kita makabaton og linain nga matang sa pagpasalig pag-usab pinaagi sa unsay iyang gitawag og “pagsalig sa pakigsaad.” Miingon siya, “Kini nga pagsalig mao ang hilom apan segurado nga pasalig nga makadawat sa mga panalangin nga gisaad sa Dios alang niadtong nagtuman sa ilang mga pakigsaad ug gikinahanglan kaayo taliwala sa mahagitong mga sirkumstansiya sa atong panahon.”
Tungod sa panalangin sa mga pakigsaad sa templo, kita makabaton og lig-on nga pundasyon, usa ka pagbati sa kahilom, ug sa kalig-on sa pagpadayon, pagpahiangay, ug sa pagpahiuyon ngadto sa kanunay nga kausaban sa kalibotan.
Mahimong kita mga binuhat nga mahilig sa naandan [creatures of habit], sa kanunay nangandoy alang sa mga butang nga magpabilin nga mao lamang gihapon ug luwas. Apan ang kamatuoran mao, ang kausaban dili kalikayan—ug kana mao ang mahimong mahitabo! Kini kabahin lamang sa atong panaw sa mortalidad. Tungod ni Jesukristo, bisan pa sa mga kausaban nga mahimong mosorpresa kanato, makapadayon kita sa pagbaton og hingpit nga kalipay, paghimo og pag-uswag, ug sa pagbati nga malaumon sa matag panahon sa kinabuhi.