Vahe 5
1 Oku fakaha i he fakatātā ki he takaiga toki oku buna, ae malaia ki he kakai kaihaa mo kinautolu oku kabe. 5 Koe fakaha ae malaia fakamui o Babilone i he fakatātā ki he fefine oku taomia i he ibu fua.
¶ 1 BEA neu toki tagaki ai ki mui, bea jio hake hoku mata beau mamata, bea vakai koe takaiga tohi oku buna.
2 Bea naa ne behe mai kiate au, Koeha oku ke mamata ki ai? Bea neu beheage, Oku ou jio ki ha takaiga tohi oku buna; ko hono loloa koe haga e fagofulu, bea koe haga e uofulu, a hono laulahi.
3 Bea nae toki behe mai eia, Ko eni ia ae malaia oku alu atu ki he fuga o mamani kotoabe; he koeuhi e motuhi kotoabe aia oku kaihaa, o fakatatau mo ia, bea e motuhi mo ia kotoabe oku kabe o fakatatau mo ia.
4 Oku behe e Jihova oe gaahi kau tau, teu omi ia e au, bea e hu ia ki he fale oe kaihaa, bea moe fale oia oku kabe mo loi i hoku higoa: bea e nofo i he lotolotoga o hono fale, bea te ne fakaauha ia, ae akau o hono alaga fale, bea mo hono gaahi maka.
¶ 5 Bea nae toki alu atu ae agelo aia naa ma talanoa mo au, o ne behe kiate au, Haga hake eni ho mata, bea ke jio be koeha ae mea ni oku alu atu.
6 Bea naaku behe, Koeha ia? Bea ne behe mai, Koe efa ia oku ha mai. Naa ne behe mai foki, Ko ho nau fakatātā eni i mamani kotoabe.
7 Bea vakai, ne hiki hake ae koga bulu mamafa: bea koe fefine ia oku nofo i he loto efa.
8 Bea naa ne behe, Ko agahala ia. Bea naa ne li ia ki he loto efa; bea naa ne tatao aki hono gutu ae koga bulu mamafa.
9 Hili ia naaku haga hake hoku mata, beau jio, bea vakai nae ha‘u ae ogo fafine e toko ua, bea nae i ho na kabakau ae matagi; he naa na kabakau o hage koe sitoaki: bea naa na hiki hake ae efa i he vahaa o mamani moe lagi.
10 Bea naaku behe ai ki he agelo aia naa ma talanoa mo au, Oku na fua kife ae efa?
11 Bea naa ne behe mai kiate au, Ke laga ae fale moona i he fonua ko Sinaa: bea e fokotuu ia i ai, o tuku i ai ki hono tuuga be oona.