Vahe 11
1 Koe fakaauha o Jelusalema. 3 Oku fakamoui ae kakai kuo fili, kae liaki hono toe. 10 Koe ogo tokotoko matalelei moe nonoo oku maumau‘i koeuhi oku liaki a Kalaisi. 15 Koe fakatātā oe tauhi vale mo hono fakamalaia.
¶ 1 FAKAAVA ho gaahi mataba, e Lebanoni, koeuhi ka keina e he afi hoo gaahi sita.
2 Ae akau koe fea, tagi; he kuo higa ae sita; he kuo maumau‘i ae kau malohi: ioho, e gaahi oke i Besani; koeuhi kuo tulaki hifo ae vao vaine.
3 Oku ai ae le‘o oe tagi mamahi ae kau tauhi; he kuou maumau‘i ho nāunāu: koe le‘o oe faga laione mui oku gugulu; he kuo maumau‘i ae fielahi a Joatani.
¶ 4 Oku behe e Jihova, ko hoku Otua; Fafaga ae faga manu ki he tamatea;
5 Oku tamate‘i akinautolu ekinautolu oku nau onautolu, bea oku nau behe oku nau tonuhia; bea mo kinautolu oku fakatau akinautolu oku nau behe, Fakafetai kia Jihova; he oku ou koloaia: bea naa moe nau kau tauhi anautolu, oku ikai i ai ha ofa kiate kinautolu.
6 He oku behe e Jihova, e ikai teu toe manavaofa ki he kakai oe fonua: ka e vakai, teu tukuage ae tagata taki taha ki he nima o hono kaugaabi, bea ki he nima o hono tu‘i: bea te nau ta‘i ae fonua, bea e ikai teu fakahaofi akinautolu mei ho nau nima.
7 Bea teu fafaga ae faga manu oku tamatea, io, akimoutolu, ae kau majiva i he faga manu. Naaku too kiate au ae tokotoko e ua; bea naaku fakahigoa ae taha ko Matamatalelei, bea koe taha naaku fakahigoa ko Nonoo; bea neu fafaga ae faga manu.
8 Naaku motuhi foki ae kau tauhi e toko tolu i he mahina be taha; bea nae fehia hoku laumalie kiate kinautolu, bea fehia foki ho nau laumalie kiate au.
9 Bea naaku toki behe, e ikai teu kei fafaga akimoutolu: koia e mate, tuku be ke mate; bea koia e motuhi, tuku be ke motuhi, atu; bea ko hono toe, tuku ke fekainaki ho nau kakano.
¶ 10 Bea naaku too eku tokotoko ko Matamatalelei, beau tuua ia, koeuhi keu maumau ae fuakava, aia naaku fai moe kakai kotoabe.
11 Bea nae maumau‘i ia i he aho koia: koia nae ilo bau ai e he kau majiva i he faga manu, akinautolu nae tatali kiate au, koe folofola ia a Jihova.
12 Bea neu behe kiate kinautolu, Kabau oku lelei kiate kimoutolu, tuku mai haaku totogi; bea ka ikai, bea oua. Koia naa naufakamamafa eku totogi, koe koga siliva e tolugofulu.
13 Bea nae behe e Jihova kiate au, Li ia ki he tufuga gaohi ibu: koe totogi lelei aia naa nau fakatatau au ki ai. Bea naaku too ae koga siliva e tolugofulu, bea li ia ki he tufuga gaohi ibu, nae i he fale o Jihova.
14 Hili ia naaku tuua a eku tokotoko e taha aia ko Nonoo, koeuhi keu maumau‘i ae fakakaiga a Juta, mo Isileli.
¶ 15 Bea nae behe e Jihova kiate au. Too kiate koe ae nāunāu oe tauhi vale.
16 He vakai, Teu fakatubu ha tauhi i he fonua, e ikai te ne aahi kiate kinautolu oku motuhi, bea e ikai te ne kumi aia oku kei mui, be te ne fakamoui aia kuo lavea, bea e ikai te ne fafaga aia oku tae faa alu: ka te ne kai ae kakano oia oku jino, mo ne haehae ke ikiiki a ho nau geejiva‘e.
17 Malaia ki he tauhi taeaoga, aia oku jiaki ene faga manu! e to ae heleta ki hono nima, bea mo hono mata toomatau: e mate aubito a hono nima, bea e fakabouli aubito a hono mata toomatau.