¶ 1 HE aho koia naa nau lau i he fono a Mosese i he ao oe kakai; bea nae ilo i ai, e ikai hoko ki he fakataha oe Otua ae kakai Amoni, moe kakai Moabe o taegata;

2 Koeuhi nae ikai te nau fakafetaulaki ki he fānau a Isileli aki ae ma moe vai, ka naa nau tuku totogi kia Belami ke tuu kiate kinautolu, koeuhi ke ne tuki‘i akinautolu: ka nae liliu e ho tau Otua ae tuki koe tabuaki.

3 Bea nae hoko o behe, i he e nau fanogo ki he fono, naa nau fakamavae mei Isileli ae gaahi kakai kehekehe kotoabe.

¶ 4 Bea ki mua i he mea ni, ko Iliasibi koe taulaeiki, aia nae bule ki he fale e taha i he fale oe Otua, nae kaumea ia kia Tobaia:

5 Bea naa ‘ne teuteu moona ae fale lahi, aia naa nau tuku ki ai i mua ae gaahi feilaulau meakai, moe mea namu kakala, moe gaahi ibu, moe gaahi mea oe tukuhau, moe uaine foou, moe lolo, aia nae fekau ke foaki ki he kau Livai, moe kau hiva, moe kau leo mataba; moe gaahi feilaulau oe kau taulaeiki.

6 Ka i he gaahi kuoga ni kotoabe nae ikai teu i Jelusalema: he naaku ha‘u ki he tu‘i, i hono ta‘u e tolugofulu ma ua o Atakisekisi koe tu‘i o Babilone, bea hili ae aho niihi naaku ma‘u ae fekau mei he tu‘i:

7 Bea neu ha‘u ki Jelusalema, beau hoko o ilo ae kovi nae fai e Iliasibi ma a Tobaia, i he ene teuteu moona ae fale i he gaahi botu fale oe fale o ho tau Otua.

8 Bea naaku mamahi lahi ai: koia naaku li kitua ae gaahi gaotoota kotoabe o Tobaia mei he fale.

9 Bea naaku fekau, bea naa nau fakamaa ae gaahi fale: bea naaku toe fetuku ki ai ae gaahi ibu oe fale oe Otua, moe gaahi feilaulau mea kai moe mea namu kakala.

¶ 10 Bea neu vakai nae ikai faa atu ki he kau Livai ho nau gaahi inaji: he koe kau Livai moe kau hiva, aia nae fai ae gaue, kuo hola taki taha ki he ene goue.

11 Bea naaku valoki ae kau bule, o behe, Koeha kuo liaki ai ae fale oe Otua? Bea neu tanaki o fakataha akinautolu, o fokotuu akinautolu i ho nau botu.

12 Bea nae omi ai e Juta kotoabe ae tauvao oe uite moe uaine foou moe lolo ki he gaahi feleoko.

13 Bea neu fakanofo ae kau leo koloa ki he gaahi fale koloa, ko Selemaia koe taulaeiki, mo Satoki koe tagata tohi, bea i he kau Livai, ko Bitaia: bea nae hoko mo kinautolu, a Hanani, koe foha o Sakuli, koe foha o Matania: he nae ogolelei akinautolu koe agatonu, bea koe nau gaue ia ke tufaki ki ho nau gaahi kaiga.

14 E hoku Otua, ke ke manatu‘i au koeuhi koe mea ni, bea oua naa ke holoholo ke mole eku gaahi gaue lelei aia kuou fai ma ae fale o hoku Otua, bea ma ae gaahi lakaga gaue i ai.

¶ 15 Bea naaku mamata ki he niihi i he gaahi aho koia nae malakaki ae gaahi tataoaga uaine i he aho tabu, bea fetuku ae gaahi u uite, bea fakaheka ki he faga asi, bea moe uaine foki, moe gaahi kalebi, moe gaahi fiki, moe gaahi kavega kehekehe, aia naa nau fetuku ki Jelusalema i he aho tabu: bea naaku valoki akinautolu i he aho naa nau fakatau mea kai.

16 Bea nae nofo ai ae kau tagata Taia, aia naa nau omi ae gaahi ika, moe gaahi mea kehekehe, bea fakatau i he aho tabu ki he fānau a Juta, bea i Jelusalema.

17 Bea neu valoki ae gaahi houeiki o Juta, beau behe kiate kinautolu, Koeha ae mea kovi ni oku mou fai, bea mou fakahala ae aho tabu?

18 Ikai nae fai behe e hoo mou gaahi tamai, bea ikai nae omi e ho tau Otua ae gaahi kovi ni kiate kitautolu, bea ki he kolo ni? ka oku mou omi ae houhau lahi hake ki Isileli i hoo mou fakahala‘i ae aho tabu.

19 Bea i he fakaaau ke bouli ae gaahi mataba o Jelusalema i he heeki hoko ae aho tabu, naaku fekau ke tabuni ae gaahi mataba, beau fekau ke oua naa too kae oua ke hili ae aho tabu; bea neu fakanofo ae niihi o eku kau tamaioeiki i he gaahi mataba, ke oua naa omi ki ai ha kavega e taha i he aho tabu.

20 Koia nae mohe ai itua Jelusalema ae kau ma‘u koloa moe kau fakatau oe gaahi mea kehekehe kotoabe, o tuo taha be tuo ua.

21 Bea neu valoki akinautolu, o behe kiate kinautolu, Koeha oku mou mohe ai o ofi ki he a maka? kabau te mou toe fai ia, teu buke akimoutolu. Bea talu mei he kuoga koia nae ikai te nau toe ha‘u i he aho tabu.

22 Bea neu fekau ki he kau Livai, ke nau fakamaa akinautolu, bea ke nau ha‘u o vakai ki he gaahi mataba, ke fakatabu‘i ae aho tabu. E hoku Otua, ke ke manatu‘i au koeuhi koe mea ni foki, bea fakamoui au o fakatatau ki hono lahi o hoo agaofa.

¶ 23 Bea naaku mamata foki i he gaahi aho koia ki he kau Jiu naa nau mali moe kau fefine o Asitoti, mo Amoni, mo Moabe;

24 Bea nae lea fakavaeua e he e nau fānau i he lea o Asitoti, bea nae ikai te nau faa lea i he lea ae kakai Jiu be, kae i he lea ae kakai fakatouoji.

25 Bea neu valoki akinautolu, bea manuki akinautolu, bea ta‘i ho nau niihi, bea fuji ho nau fulufulu‘i  ulu, bea fakafuakava‘i akinautolu i he Otua, o behe, Oua naa mou foaki ho mou gaahi ofefine ki ho nau gaahi foha, be too ho nau gaahi ofefine ki ho mou gaahi foha, be mo omoutolu.

26 Ikai nae fai agahala e Solomone koe tu‘i a Isileli i he gaahi mea ni? ka nae ikai ha tu‘i hage ko ia i he gaahi buleaga lahi, aia nae ofeina e hono Otua, bea fakanofo ia e he Otua ke tu‘i ki Isileli kotoabe, ka koe mooni nae fakaagahala‘i ia e he kau fefine muli.

27 Bea te mou‘tokaga koa kiate kimoutolu ke mou fai ae gaahi kovi lahi ni, ke talagataa ki ho tau Otua i he mali moe kau fefine muli?

28 Bea koe foha e taha o Joiata, koe foha o Iliasibi koe taulaeiki lahi, koe foha ia i he fono kia Sanibalate koe tagata Holoni: koia naaku tuli ia ke alu iate au.

29 E hoku Otua, ke ke manatu‘i akinautolu, koe mea i he e nau fakahala‘i ae gaue fakataulaeiki, moe fuakava oe gaue fakataulaeiki, bea oe kau Livai.

30 Nae behe be eku fakamaa akinautolu mei he kakai muli, beau tuutuuni ae gaahi lakaga oe kau taulaeiki, moe kau Livai, taki taha ki he ene gaue;

31 Bea moe foaki oe akau fefie, i he gaahi aho nae kotofa, bea ki he gaahi uluaki fua. E hoku Otua, ke ke manatu‘i au, keu lelei ai.