¶ 1 BEA koe kau taulaeiki moe kau Livai eni, nae alu hake mo Selubebeli koe foha o Sialiteli, mo Jesua: ko Selaia, mo Jelemaia, mo Esela,

2 Mo Amalia, mo Maluki, mo Hatusi,

3 Mo Sikania, mo Lihumi, mo Melemoti,

4 Mo Ito, mo Kinito, mo Abija,

5 Mo Miamini, mo Moatia, mo Bilika,

6 Mo Simaia, mo Joaialibi, mo Jitaia,

7 Mo Salu, mo Amoki, mo Hilikia, mo Jitaia. Koe kau tuu ki mua eni oe kau taulaeiki, bea o ho nau gaahi kaiga i he gaahi aho o Jesua.

8 Bea koe kau Livai foki: ko Jesua, mo Binui, mo Katimieli, mo Selebea, mo Juta, mo Matania, aia nae taki ki he fakafetai, aia mo hono gaahi kaiga.

9 Bea mo Bakibukia mo Uni, ko ho nau kaiga, nae hagatonu atu kiate kinautolu i ho nau gaahi lakaga.

¶ 10 Bea nae tubu ia Jesua a Joaikimi, bea tubu foki ia Joaikimi a Iliasibi, bea tubu ia Iliasibi a Jihoiata.

11 Bea tubu ia Jihoiata a Jonatani, bea tubu ia Jonatani a Jatua.

12 Bea nae ai ae kau taulaeiki i he gaahi aho o Jihoiakimi, koe kau tuu kimua oe gaahi mātua: ia Selaia, ko Melaia: ia Jelemaia, ko Hanania;

13 Ia Esela, ko Mesulami; ia Amalia, ko Jihohanani;

14 Ia Meleku, ko Jonatani: ia Sebania, ko Josefa;

15 Ia Halimi, ko Atina; ia Milaioti, ko Hilikai;

16 Ia Ito, ko Sakalia; ia Kinitoni, ko Mesulami;

17 Ia Abija, ko Sikili; ia Miniamini, ia Moatia, ko Bilite;

18 Ia Bilika, ko Samua; ia Simaia, ko Jihonatani;

19 Bea ia Joaialibi, ko Matinei; ia Jitaia, ko Usi;

20 Ia Salei, ko Kalei; ia Amoki, ko Ibeli,

21 Ia Hilikia, ko Hasabea; ia Jitaia, ko Netanili.

¶ 22 Nae tohi ae kau Livai i he gaahi aho o Iliasibi, ko Jihoiata, mo Johanani, mo Jatua, koe kau tuu ki mua oe kau mātua: moe kau taulaeiki foki, o hoko moe bule a Talaiasi koe tagata Beasia.

23 Koe gaahi foha o Livai, koe kau tuu ki mua oe kau mātua, nae tohi i he tohi oe toega talanoa, o hoko ki he gaahi aho o Johanani koe foha o Iliasibi.

24 Bea koe kau tuu kimua oe kau Livai: ko Hasabea, mo Selebea, mo Jesua koe foha o Katimieli, mo ho nau kaiga nae hagatonu kiate kinautolu, ke fai fakamalo, mo atu ae fakafetai, o hage koe fekau a Tevita koe tagata ae Otua, koe hagatonu atu ae lakaga ki he lakaga e taha.

25 Koe kau leo mataba nae tauhi i he tulutulu oe gaahi mataba, ko Matania, mo Bakibukia, mo Obataia, mo Mesulami, mo Talimoni, mo Akubi.

26 Nae i he gaahi aho o Jihoiakimi koe foha o Jesua, koe foha o Josataki, akinautolu ni, bea i he gaahi aho o Nehemaia koe bule, bea mo Esela koe taulaeiki moe tagata tohi.

¶ 27 Bea i he fakatabu‘i oe a maka o Jelusalema naa nau kumi ae kau Livai mei ho nau gaahi botu kotoabe, ke omi akinautolu ki Jelusalema, ke fai ae fakatabu‘i i he fiefia lahi, i he gaahi fakafetai, moe hiva, moe gaahi mea bakihi, moe gaahi utete moe gaahi haabe.

28 Bea nae fakakatoa ae gaahi foha oe kau hiva, mei he botu fonua tafagafaga nae takatakai i Jelusalema, bea mei he gaahi botu kakai o Nitofa;

29 Bea mei he fale o Kilikali foki, bea mei he gaahi goue o Keba mo Asimaveti: he nae laga ho nau gaahi botu ke nofo ai e he kau hiva o takatakai i Jelusalema.

30 Bea nae fakamaa akinautolu e he kau taulaeiki moe kau Livai, bea fakamaa ae kakai, moe gaahi mataba, moe a maka.

31 Bea neu toki omi ae houeiki o Juta ki oluga ki he a maka, bea fokotuu ho nau vahega lahi e ua onautolu ke fai fakafetai, bea nae alu ho nau fakataha e taha ki he nima toomatau oe fuga a maka o haga atu ki he mataba tuuga veve:

32 Bea nae muimui iate kinautolu a Hosaia, mo hono vaeuaaga e taha oe houeiki o Juta,

33 Mo Asalia, mo Esela, mo Mesulami,

34 Mo Juta, mo Benijimani, mo Simaia, mo Jelemaia,

35 Moe niihi oe gaahi foha oe kau taulaeiki, aki ae gaahi mealea; io, a Sakalia koe foha o Jonatani, koe foha o Simaia, koe foha o Sakuli, koe foha o Asafi;

36 Mo hono gaahi kaiga, ko Simaia, mo Asalili, mo Milale, mo Kilale, mo Meai, mo Netanili, mo Juta, mo Hanani, moe gaahi mea faiva a Tevita koe tagata ae Otua, mo Esela koe tagata tohi i ho nau ao.

37 Bea nae nau alu hake i he mataba oe mata vai, aia nae hagatonu atu kiate kinautolu, i he gaahi tuuga oe kolo a Tevita, i he alu hake oe a maka, i oluga i he fale o Tevita, io, o a‘u atu ki he mataba vai i he botu hahake.

38 Bea ko hono fakataha e taha okinautolu nae fai fakafetai nae alu ki he botu nae hagatonu mai kiate kinautolu, bea naaku muimui atu kiate kinautolu, mo hono vaeuaaga e taha oe kakai i he fuga a maka, mei he botu mamao atu i he fale maoluga oe gaahi afi tutuaga mea, io, o a‘u atu ki he a maka laulahi;

39 Bea mei he botu ki oluga hake i he mataba o Ifalemi, bea mei oluga i he mataba motua, bea ki oluga i he mataba ika, bea mei he fale maoluga o Hananili, moe fale maoluga o Mea, io, o a‘u ki he mataba sibi: bea naa nau tuu mau be i he mataba oe fale fakabobula.

40 Bea nae behe ae tuu ae fakataha e ua nae fai fakafetai i he fale oe Otua, mo au bea mo hono vaeuaaga e taha oe kau bule:

41 Bea koe kau taulaeiki eni: ko Iliakimi, mo Maaseia, mo Miniamini, mo Mikaia, mo Ilionei, mo Sakalia, mo Hanania, aki ae gaahi mea lea;

42 Mo Maaseia, mo Simaia, mo Eliesa, mo Usi, mo Jihohanani, mo Malikija, mo Ilami, mo Eseli. Bea nae hiva kalaga ae kau hiva, fakataha mo ho nau taki mua ko Jiselahia.

43 Bea naa nau atu foki i he aho koia ae gaahi feilaulau lahi, i he fiefia: he nae fakafiefia‘i akinautolu i he fiefia lahi; bea nae fiefia ae gaahi unoho foki moe fānau; koia nae ogo ki he mamao ae fiefia a Jelusalema.

¶ 44 Bea nae fakanofo i he kuoga koia ae niihi, ke tauhi ae gaahi fale ki he gaahi koloa, koe gaahi mea oku atu, moe gaahi uluaki fua, bea ki he gaahi tauvao, ke tanaki ki ai mei he gaahi goue i he gaahi kolo ae gaahi inaji oe fono ki he kau taulaeiki, moe kau Livai: he nae fiefia a Juta koeuhi koe kau taulaeiki moe kau Livai nae gaue.

45 Bea koe kau hiva moe kau leo mataba naa nau fakatou tauhi ae lakaga o ho nau Otua, moe lakaga o ho nau fakamaa o fakatatau ki he fekau a Tevita, mo Solomone ko hono foha.

46 He nae i ai i he gaahi aho o Tevita, mo Asafi, ae kau takimua i he kau hiva, moe gaahi hiva oe fakaogolelei moe fakafetai ki he Otua.

47 Bea i he gaahi aho o Selubebeli, bea i he gaahi aho o Nehemaia, nae foaki e Isileli kotoabe ae gaahi inaji tokoni ki he kau hiva moe kau leo mataba, taki taha ene tokoni i he aho kotoabe: bea naa nau vahe‘i ae gaahi mea tabu ma ae kau Livai; bea nae vahe‘i ia e he kau Livai ma ae fānau a Elone.