¶ 1 KOE fono foki eni oe feilaulau ma ae fai hala: oku maonioni lahi ia.

2 I he botu oku nau tamate‘i ai ae feilaulau tutu te nau tamate‘i ae feilaulau ma ae fai hala: bea koe toto o ia e luluku aki ae feilaulauaga o fakatakamilo.

3 Bea e atu eia hono gako kotoabe o ia; ko hono tuuga iku, moe bunukete,

4 Moe kofuua e ua, moe gako oku i ai, aia oku ofi ki he gutukete, moe ahu oku i oluga i he ate, moe ogo kofuua, e too eia ia o ave:

5 Bea e tutu ia e he taulaeiki ki he fuga feilaulauaga koe feilaulau kuo gaohi aki ae afi kia Jihova: koe feilaulau ia ma ae fai hala.

6 Koe tagata kotoabe i he kau taulaeiki e kai ia: e kai ia i he botu tabu: oku fugani maonioni ia.

7 Hage koe feilaulau ma ae agahala, oku behe be ae feilaulau ma ae fai hala: oku taha be ae fono ki ai: koe taulaeiki oku fai aki ia ae fakalelei e ma‘u eia ia.

8 Bea koe taulaeiki oku ne atu ae feilaulau tutu a ha tagata, e ma‘u e he taulaeiki maana ae kili oe feilaulau tutu aia kuo atu eia.

9 Bea koe feilaulau meakai kotoabe oku ta‘o i he gotoumu, mo ia kotoabe oku fai i he fakabaku, be i he ukamea lafalafa e i he taulaeiki ia aia oku ne atu ia.

10 Bea koe feilaulau meakai kotoabe, oku feofi moe lolo, bea moia oku momoa, e ma‘u tatau be e he gaahi foha o Elone.

11 Bea koe fono eni oe feilaulau oe gaahi feilaulau fakamelino, aia e atu eia kia Jihova.

12 Kabau oku ne atu ia koe mea fakafetai, bea e atu eia fakataha moe feilaulau fakafetai ae gaahi ma tae fakalevani kuo fefiofi moe lolo, moe gaahi ma manifinifi tae fakalevani kuo bani aki ae lolo, moe gaahi ma oe mahoaa lelei oku fefiofi moe lolo, oku fakabaku.

13 Bea e atu eia fakataha moe gaahi ma i he ene feilaulau ae ma kuo i ai ae mea fakalevani fakataha moe feilaulau oe fakafetai o ene feilaulau fakamelino.

14 Bea e atu eia ae taha mei he mea ofa kotoabe koe feilaulau hiki hake kia Jihova, bea e i he taulaeiki ia aia oku ne luluku ae toto oe feilaulau fakamelino.

15 Bea koe kanomate oe feilaulau o ene feilaulau fakamelino koe mea fakafetai, e kai ia i he aho oku atu ai ia: e ikai tuku eia hano toe ki he abogibogi.

16 Bea kabau oku atu a ene feilaulau koe mea i he lea fakababau, be koe feilaulau loto lelei be, e kai ia i he aho koia oku atu ai ene feilaulau: bea koe abogibogi foki e kai hono toe:

17 Ka ko hono toe oe kanomate oe feilaulau i hono tolu oe aho e tutu aki ia ae afi.

18 Bea kabau e kai i hono tolu oe ake ha kanomate oe feilaulau o ene feilaulau fakamelino, e ikai ma‘u ia, bea e ikai lau ia kiate ia nae atu ia: koe mea kovi lahi ia, bea koia oku ne kai ai e fua eia ene hia.

19 Bea koe kanomate oku lave ki ha mea tae maa e ikai kai ia: e tutu aki ia ae afi; bea koeuhi koe kanomate, koia kotoabe oku maa e kai eia ia.

20 Ka koia oku kai ae kanomate oe feilaulau oe feilaulau fakamelino, aia oku kau kia Jihova, ka oku iate ia ene tae maa, e motuhi ae laumalie koia mei hono kakai.

21 Bea koia foki e lave ki ha mea tae maa, ki he tae maa ae tagata, be ha manu, be ha mea fakalielia o tae maa, bea kai eia ae kanomate oe feilaulau oe feilaulau fakamelino, aia oku kau kia Jihova, e motuhi ae laumalie koia mei hono kakai.

¶ 22 Bea nae folofola a Jihova kia Mosese, o behe,

23 Lea ki he fānau a Isileli, o behe, Oua naa mou kai ha gako oe bulu, be koe sibi, be koe koji.

24 Bea koe gako oe manu mate mahaki be, moe gako o ia kuo mate i he haehae e he manu kehe, ke mou gaue aki ia i ha gaue kehe: ka e ikai aubito te mou kai ia.

25 He koia oku ne kai ae gako oe manu, aia oku atu mei ai e he kakai ae feilaulau tutu kia Jihova, io, koia oku ne kai ai e motuhi ia mei hono kakai.

26 Bea e ikai foki te mou kai ha toto o ha manu kabakau be ha manu kehe, i ho mou gaahi nofoaga.

27 Iloga ha taha e kai ha toto, e motuhi ae laumalie koia mei hono kakai.

¶ 28 Bea nae folofola a Jihova kia Mosese, o behe,

29 Lea ki he fānau a Isileli, o behe, Ko ia oku ne atu ae feilaulau o ene gaahi feilaulau fakamelino kia Jihova, e omi eia ene mea ofa kia Jihova, i he feilaulau o ene gaahi feilaulau fakamelino.

30 E omi e hono nima oona be ae gaahi feilaulau kia Jihova, oku tutu i he afi, e omi eia ae gako moe fatafata, koeuhi ke taaloalo aki ae fatafata, koe feilaulau taaloalo i he ao o Jihova.

31 Bea e tutu ae gako e he taulaeiki i he fuga oe feilaulauaga: ka oku ia Elone mo hono gaahi foha ae fatafata.

32 Bea te mou atu ki he taulaeiki ae alaganima toomatau koe feilaulau hiki hake ia i he gaahi feilaulau o hoo mou gaahi feilaulau fakamelino.

33 Koia i he gaahi foha o Elone, oku atu ae toto oe feilaulau fakamelino, moe gako, e ma‘u eia ae alaganima toomatau ko hono inaji.

34 He koe fatafata taaloalo moe alaganima hiki hake kuou too mei he fānau a Isileli, mei he gaahi feilaulau oe nau gaahi feilaulau fakamelino, bea kuou atu ia kia Elone koe taulaeiki, bea ki hono gaahi foha i he tuutuuni taegata, mei he fānau a Isileli.

¶ 35 Ko eni  ae inaji oe fakanofo o Elone, moe fakanofo o hono gaahi foha, mei he gaahi feilaulau kia Jihova oku tutu i he afi, i he aho oku ne atu akinautolu ke gaue kia Jihova i he gaue fakataulaeiki;

36 Aia nae fekau e Jihova ke atu kiate kinautolu mei he fānau a Isileli, i he aho naa ne fakanofo ai akinautolu, i he tuutuuni taegata i ho nau gaahi toutagata kotoabe.

37 Ko eni ae fono oe feilaulau tutu, oe feilaulau meakai, bea moe feilaulau ma ae agahala, moe feilaulau i he fai hala, moe gaahi fakatabu, moe feilaulau oe gaahi feilaulau fakamelino;

38 Aia nae fekau e Jihova kia Mosese i he mouga ko Sainai, i he aho naa ne fekau ai ki he fānau a Isileli, ke atu e nau gaahi mea ofa kia Jihova, i he toafa o Sainai.