¶ 1 BEA nae folofola a Jihova kia Mosese, o behe,

2 Lea ki he fānau a Isileli, o behe kiate kinautolu, Ko au ko Jihova ko ho mou Otua.

3 Oua naa mou fai o hage koe faiaga ae fonua ko Ijibite, aia naa mou nofo ai: bea e ikai te mou fai o hage koe faiaga ae fonua ko Kenani, aia teu omi akimoutolu ki ai; bea oua naa mou alu i he e nau gaahi fekau.

4 Ka mou fai ki he eku gaahi fekau o tauhi eku gaahi tuutuuni, ke fai ki ai; Ko au ko Jihova ko ho mou Otua.

5 Koia ke mou tauhi eku gaahi tuutuuni, mo eku gaahi fekau; aia kabau e fai ia e ha tagata, e moui ai ia: Ko au ko Jihova.

¶ 6 Oua naa ofi atu ha taha iateki moutolu ki ha toko taha oku kaiga mooni mo ia ko hono fakatelefua‘i: Ko au ko Jihova.

7 Koe telefua o hoo tamai be koe telefua o hoo fa‘e oua naa ke tatala: he ko hoo fa‘e ia; e ikai te ke fakatelefua‘i ia.

8 Oua naa ke fakatelefua ae unoho o hoo tamai; he koe telefua ia o hoo tamai.

9 Oua naa ke fakatelefua a ho tuofefine koe ofefine o hoo tamai, be koe tama o hoo fa‘e, be kuo ne tubu i abi, be tubu i he mamao, oua naa ke tatala ho nau telefua.

10 Oua naa ke fakatelefua ae ofefine o ho foha, be koe tama a ho ofefine; he ko ho nau telefua ko ho telefua oou ia.

11 Bea koe telefua oe tama ae unoho o hoo tamai, kuo tubu i hoo tamai, ko hoo tuofefine ia, oua naa ke fakatelefua ia.

12 Oua naa ke fakatelefua ae tuofefine o hoo tamai: he koe kaiga fefine ofi ia o hoo tamai.

13 Oua naa ke fakatelefua ae tokoua o hoo fa‘e: he koe kaiga fefine ofi ia o hoo fa‘e.

14 Oua naa ke fakatelefua ae tokoua o hoo tamai, oua naa ke unuunu o ofi ki hono unoho; he ko ho mehikitaga ia.

15 Oua naa ke fakatelefua a ho ofefine i he fono: he koe unoho ia o ho foha; oua naa ke fakatelefua ia.

16 Oua naa ke fakatelefua ae unoho o ho tokoua: he koe telefua o ho tokoua ia.

17 Oua naa ke fakatelefua ha fefine mo ene tama, bea oua naa ke ave ae ofefine o ene tama, be koe tama a ene tama, ke fakatelefua ia; he ko hono kaiga fefine ofi akinautolu; koe mea kovi ia.

18 Bea oua naa ke unoho moe tokoua o ho unoho ke fakamamahi aki ia, mo fakatelefua ia i he ene kei moui aana.

19 Bea oua naa ke unuunu o ofi ki ha fefine ke fakatelefua ia, lolotoga kuo vahe‘i ia i he ene tae maa.

20 Bea oua foki naa ke mohe agahala moe unoho o ho kaugaabi, ke fakauli‘i koe mo ia.

21 Bea oua naa ke tuku ke alu a ho hako i he afi kia Moleki, bea oua naa ke fakaogokovi ae huafa o ho Otua; Ko au ko Jihova.

22 Oua naa ke mohe mo ha tagata, o hage koe mohe moe fefine: koe mea fakalielia ia.

23 Bea e ikai te ke mohe mo ha manu ke fakauli‘i koe i ai: bea oua naa tuu ha fefine i he ao oe manu ke tokoto ki ai: koe mea kovi fakaulia ia.

24 Oua naa mou fakalielia‘i akimoutolu i ha gaahi mea behe: he oku uli‘i i he gaahi mea ni ae gaahi buleaga aia oku ou kabuji mei ho mou ao:

25 Oku fakalielia‘i ae fonua: koia oku ou totogi ki ai ene hia, bea oku lua aki foki e he fonua koia a hono kakai.

26 Koia te mou tauhi eku gaahi tuutuuni mo eku gaahi fekau, bea oua naa mou fai ha mea e taha i he gaahi mea fakalielia ni, e ha toko taha i ho mou buleaga, be ha muli, oku aunofo iate kimoutolu.

27 (He koe gaahi mea fakalielia ni kuo fai e he kau tagata oe fonua, bea kuo bani uli fōfō ae fonua:)

28 Telia naa lua aki akimoutolu foki e he fonua, o hage ko ene lua aki kitua ae gaahi buleaga nae muomua iate kimoutolu.

29 He koia e fai ha mea i he gaahi mea fakalielia ni, io, koe laumalie e fai ia e motuhi ia mei hono kakai.

30 Koia te mou tauhi ai eku gaahi fekau, koeuhi ke oua naa mou fai ha mea e taha i he gaahi aga fakalielia ni, aia nae fai i mu‘a i ho mou ao, bea ke oua naa mou uli‘i akimoutolu i ai: Ko au ko Jihova ko ho mou Otua.