¶ 1 BEA nae folofola a Jihova kia Mosese, o behe,

2 Tala ki he fānau a Isileli, o behe, Kabau e fai hala e ha toko taha i he tae ilo ki ha fekau a Jihova, aia oku ikai gofua ke fai, bea fai eia o agatuu ki ai:

3 Kabau oku fai hala ae taulaeiki aia kuo fakanofo, o hage koe agahala ae kakai; ke omi eia ma a ene agahala aia kuo ne fai, ae bulu mui tae hano mele kia Jihova koe feilaulau ma ae agahala.

4 Bea e omi eia ae bulu ki he mataba oe fale fehikitaki oe kakai i he ao o Jihova: bea e hili hono nima ki he ulu oe bulu bea e tamate‘i ae bulu i he ao o Jihova.

5 Bea e too e he taulaeiki kuo fakanofo ae toto oe bulu o omi ia ki he fale fehikitaki oe kakai.

6 Bea e ai e he taulaeiki hono tuhu ki he toto, bea e luluku aki ae toto ke liuga fitu i he ao o Jihova, i he tua buibui oe fale tabu.

7 Bea e ai e he taulaeiki ae toto ki he gaahi nifo oe feilaulauaga namu kakala i he ao o Jihova, aia oku i he fale fehikitaki oe kakai: bea e ligi eia ae toto kotoabe oe bulu ki he tefito‘i feilaulauaga oe feilaulau tutu, aia oku i he mataba oe fale fehikitaki oe kakai.

8 Bea e too eia mei ai hono gako kotoabe oe bulu ki he feilaulau ma ae agahala; koe bunukete, moe gako kotoabe oku i loto,

9 Moe kofuua e ua, moe gako oku i ai, aia oku i he gutukete, moe ahu oku i oluga i he ate, moe ogo kofuua, e too ia o ave,

10 Hage ko hono too o ave mei he bulu i he feilaulau fakalelei: bea e tutu ia e he taulaeiki ki he fuga oe feilaulauaga oe feilaulau tutu.

11 Bea koe kili oe bulu, mo hono kanomate, mo hono ulu, mo hono gaahi kau va‘e, mo hono tootooga, mo hono tae,

12 Io, hono kotoa oe bulu e fetuku atu eia kituaa i he abitaga, ki he botu maa, aia oku liligi ki ai ae efuefu, bea e tutu ia i he fefie aki ae afi: e tutu ia i he botu oku liligi ki ai ae efuefu.

¶ 13 Bea kabau oku fai hala i he tae ilo e he fakataha kotoa o Isileli, bea fufu ae mea mei he mata oe fakataha, bea kuo nau fai ki he gaahi fekau a Jihova, aia oku ikai gofua ke fai, bea oku nau halaia;

14 Bea ka hoko o ilo ae agahala koia kuo nau fai, bea e toki atu e he fakataha ae bulu mui i he e nau agahala, o  nau omi ia ki he fale fehikitaki oe kakai.

15 Bea e hili e he kau mātua oe fakataha ho nau nima ki he ulu oe bulu i he ao o Jihova: bea e tamate‘i ae bulu i he ao o Jihova.

16 Bea e omi ae toto oe bulu e he taulaeiki aia kuo fakanofo, ki he fale fehikitaki oe kakai:

17 Bea e ai e he taulaeiki hono tuhu ki he toto, o luluku aki ia ke liuga fitu i he ao o Jihova, i he tua buibui.

18 Bea e ai eia toto i he nifo oe feilaulauaga aia oku i he ao o Jihova, i he fale fehikitahi oe kakai, bea e ligi eia ae toto kotoabe ki he tefito‘i feilaulauaga oe feilaulau tutu, aia oku i he mataba oe fale fehikitahi oe fakataha.

19 Bea e too eia hono gako kotoabe, o tutu ia ki he fuga oe feilaulauaga.

20 Bea e fai eia ki he bulu ni o hage ko ene fai ki he bulu i he feilaulau ma ae agahala, e behe be ene fai eni: bea e fai e he taulaeiki ha fakalelei koeuhi ko kinautolu, bea e fakamolemole ia kiate kinautolu.

21 Bea e fetuku eia ae bulu kituaa i he abitaga, bea e tutu ia o hage ko ene tutu ae uluaki bulu: koe feilaulau ia ma ae agahala ae fakataha.

¶ 22 Oka fai hala ae bule, bea fai hala i he tae ilo ki he gaahi fekau a Jihova ko hono Otua aia oku ikai gofua ke fai, bea ne halaia ai;

23 Bea kabau kuo toki ilo eia ene agahala; e omi eia ene feilaulau, koe uhiki‘i koji, koe  manu tagata tae hano mele;

24 Bea e hili eia hono nima ki he ulu oe koji, o tamate‘i ia i he botu oku nau tamate‘i ai ae feilaulau tutu i he ao o Jihova: koe feilaulau ia ma ae agahala

25 Bea e too e he taulaeiki ae toto oe feilaulau ma ae agahala aki hono tuhu, o ai ia ki he gaahi nifo oe feilaulauaga oe feilaulau tutu, bea ligi hono toto ki he tefito‘i feilaulauaga oe feilaulau tutu.

26 Bea e tutu eia hono gako kotoabe ki he fuga oe feilaulauaga, o hage koe gako oe feilaulau fakalelei: bea e fai e he taulaeiki ae fakalelei maana i he ene agahala, bea e fakamolemole ia kiate ia.

¶ 27 Bea kabau e fai agahala e ha toko taha i he kakai lāuvale i he tae ilo, o fai hala ki he fekau a Jihova i he mea oku ikai gofua ke fai; bea ne halaia ai:

28 Bea kabau e toki ilo eia ae agahala kuo ne fai: bea e omi eia ene feilaulau, koe uhiki‘i koji, koe  manu fefine tae hano mele, ma a ene agahala aia kuo ne fai.

29 Bea e hili eia hono nima ki he ulu oe feilaulau ma ae agahala, o tamate‘i ae feilaulau ma ae agahala i he botu oe feilaulau tutu.

30 Bea e too e he taufaeiki ae toto aki hono tuhu o ai ia ki he nifo oe feilaulauaga tutu, bea e ligi eia a hono toto kotoabe ki he tefito‘i feilaulauaga.

31 Bea e too eia ae gako kotoabe, o hage koe too o ave ae gako mei he feilaulau oe fakalelei; bea e tutu ia e he taulaeiki ki he fuga feilaulauaga koe mea namu kakala kia Jihova; bea e fai e he taulaeiki ae fakalelei maana, bea e fakamolemole ia kiate ia.

32 Bea kabau e omi eia ha lami koe feilaulau ma ae agahala, bea e omi ia koe  manu fefine tae hano mele.

33 Bea e hili eia hono nima ki he ulu oe feilaulau ma ae agahala, o tamate‘i ia koe feilaulau ma ae agahala, i he botu oku nau tamate‘i ai ae feilaulau tutu.

34 Bea e too e he taulaeiki ae toto oe feilaulau ma ae agahala aki hono tuhu, o ai ia ki he nifo oe feilaulauaga tutu, o ligi hono toto kotoabe ki he tefito‘i feilaulauaga:

35 Bea e too o ave hono gako kotoabe, o hage koe ave ae gako oe lami mei he feilaulau oe feilaulau fakalelei; bea e tutu ia e he taulaeiki ki he fuga feilaulauaga, o fakatatau ki he gaahi feilaulau kuo fai aki ae afi kia Jihova: bea e fai ae fakalelei e he taulaeiki ma a ene agahala aia kuo ne fai, bea e fakamolemole ia kiate ia.