¶ 1 BEA nae toki unuunu mai ae gaahi eiki oe mātua oe kau Livai kia Eliesa koe taulaeiki, bea kia Josiua koe foha o Nuni, bea ki he gaahi eiki oe kau mātua oe gaahi faahiga oe fānau a Isileli;

2 Bea naa nau lea kiate kinautolu i Sailo i he fonua ko Kenani, o behe, Nae fekau e Jihova i he nima o Mosese ke foaki kiate kimautolu ae gaahi kolo ke mau nofo ai, moe gaahi botu takatakai i ai ki he e mau faga manu.

3 Bea nae foaki e he fānau a Isileli ki he kau Livai mei ho nau tofia, i he fekau a Jihova, ae gaahi kolo ni mo ho nau gaahi botu takatakai.

4 Bea nae to mai ae talotalo ki he gaahi faahiga oe kau Kohate: bea koe fānau a Elone koe taulaeiki, aia nae i he kau Livai, nae ma‘u ae tofia i he talotalo mei he faahiga o Juta, bea mei he faahiga o Benijimani, ae kolo e hogofulu ma tolu.

5 Bea ko hono toe oe fānau a Kohate naa nau ma‘u i he talotalo ae tofia mei he gaahi fale oe faahiga o Ifalemi, bea mei he faahiga o Tani, bea mei he vaeuaaga oe faahiga o Manase, ae kolo e hogofulu.

6 Bea koe fānau a Kesoni naa nau ma‘u i he talotalo ae tofia mei he gaahi fale oe faahiga o Isaka, bea mei he faahiga o Aseli, bea mei he faahiga o Nafitali, bea mei hono vaeuaaga oe faahiga o Manase i Besani, ae kolo e hogofulu ma tolu.

7 Koe fānau a Melali i ho nau gaahi faahiga naa nau ma‘u mei he faahiga o Lubeni, bea mei he faahiga o Kata, bea mei he faahiga o Sebuloni, ae kolo e hogofulu ma ua.

8 Bea nae foaki i he talotalo e he fānau a Isileli ae gaahi kolo ni mo ho nau gaahi botu takatakai ki he kau Livai, o hage koe fekau a Jihova i he nima o Mosese.

¶ 9 Bea naa nau foaki mei he faahiga oe fānau a Juta, bea mei he faahiga oe fānau a Simione, ae gaahi kolo ni aia oku lau ho nau higoa,

10 Aia nae ma‘u e he fānau e Elone, he naa nau oe kau Kohate, aia nae i he fānau a Livai: he koe uluaki tufakaga nae o nautolu.

11 Bea nae foaki kiate kinautolu ae kolo o Aliba koe tamai a Anaki, ae kolo koia ko Hebeloni, i he fonua mouga o Juta, mo hono vee kolo oku tuu takatakai.

12 Ka koe gaahi goue oe kolo, moe gaahi botu kakai o ia, naa nau foaki kia Kelebi koe foha o Jifune koe tofia moona.

¶ 13 Nae behe be e nau foaki ki he fānau a Elone koe taulaeiki a Hebeloni mo hono tuaa kolo o ia, koe kolo hufaga ki he tamate fainoa: mo Libina mo hono tuaa kolo o ia,

14 Mo Jatili mo hono tuaa kolo o ia, mo Esitimoa mo hono tuaa kolo o ia,

15 Mo Holoni mo hono tuaa kolo o ia, mo Tiba mo hono tuaa kolo o ia,

16 Mo Aine mo hono tuaa kolo o ia, mo Jiuta mo hono tuaa kolo o ia, mo Bete‐semesi mo hono tuaa kolo o ia; koe kolo e hiva mei he faahiga ni e ua;

17 Bea mei he faahiga o Benijimani, ko Kibione mo hono tuaa kolo o ia, mo Keba mo hono tuaa kolo o ia,

18 Ko Anatoti mo hono tuaa kolo o ia, mo Alimoni mo hono tuaa kolo o ia; koe kolo e fa.

19 Koe gaahi kolo kotoabe ae fānau a Elone, koe kau taulaeiki, koe kolo e hogofulu ma tolu mo ho nau gaahi tuaa kolo.

¶ 20 Bea koe gaahi faahiga oe fānau a Kohate, koe kau Livai nae toe i he fānau a Kohate, nae ma‘u ekinautolu ae gaahi kolo ko ho nau tofia mei he faahiga o Ifalemi.

21 He naa nau foaki kiate kinautolu a Sikemi mo hono tuaa kolo i he mouga ko Ifalemi, koe kolo hufaga ki he tamate fainoa; mo Kesa mo hono tuaa kolo o ia,

22 Mo Kibisemi mo hono tuaa kolo o ia, mo Bete‐holoni mo hono tuaa kolo o ia; koe kolo e fa.

23 Bea mei he faahiga o Tani, ko Eliteke mo hono tuaa kolo o ia, ko Kibitoni mo hono gaahi tuaa kolo o ia,

24 Ko Ajaloni mo hono tuaa kolo o ia, ko Kata‐limoni mo hono tuaa kolo o ia; koe kolo e fa.

25 Bea mei hono vaeuaaga oe faahiga o Manase, ko Tenaki mo hono tuaa kolo o ia, mo Kata‐Limoni mo hono tuaa kolo o ia; koe kolo e ua.

26 Koe gaahi kolo kotoabe mo ho nau gaahi tuaa kolo ki he gaahi faahiga oe fānau a Kohate nae toe, nae hogofulu.

¶ 27 Bea naa nau foaki ki he fānau a Kesoni, i he faahiga oe kau Livai, mei hono botu e taha oe faahiga o Manase, a Kolani i Besani mo hono tuaa kolo o ia, koe kolo hufaga ki he tamate fainoa: mo Besitila mo hono tuaa kolo o ia; koe kolo e ua.

28 Bea mei he faahiga o Isaka, a Kisoni mo hono tuaa kolo o ia, mo Tabilati, mo hono tuaa kolo o ia,

29 Ko Jamuti mo hono tuaa kolo o ia, mo Enikanimi mo hono tuaa kolo o ia; koe kolo e fa.

30 Bea mei he faahiga o Aseli, ko Misali mo hono tuaa kolo o ia, mo Abitoni mo hono tuaa kolo o ia,

31 Ko Elitaki mo hono tuaa kolo o ia, mo Lehobi mo hono tuaa kolo o ia; koe kolo e fa.

32 Bea mei he faahiga o Nafitali, ko Ketesi i Kaleli, mo hono tuaa kolo o ia, koe kolo hufaga ki he tamate fainoa; mo Hemoti‐toa mo hono tuaa kolo o ia, mo Katani mo hono tuaa kolo o ia; koe kolo e tolu.

33 Koe gaahi kolo oe kau Kesoni o fakatatau ki ho nau gaahi faahiga, koe kolo e hogofulu ma tolu mo ho nau gaahi tuaa kolo.

¶ 34 Bea ki he gaahi faahiga oe fānau a Melali, ko hono toe oe kau Livai, nae atu mei he faahiga o Sebuloni, a Jokiniami mo hono tuaa kolo o ia, mo Kaata mo hono tuaa kolo o ia,

35 Ko Temina mo hono tuaa kolo o ia, mo Nehala mo hono tuaa kolo o ia; koe kolo e fa.

36 Bea mei he faahiga o Lubeni, ko Beseli mo hono tuaa kolo o ia, mo Jehasi mo hono tuaa kolo o ia,

37 Ko Ketimote mo hono tuaa kolo o ia, mo Mefati mo hono tuaa kolo o ia; koe kolo e fa.

38 Bea mei he faahiga o Kata, ko Lemoti i Kiliati mo hono tuaa kolo o ia, koe kolo hufaga ki he tamate fainoa; mo Mehanemi mo hono tuaa kolo o ia,

39 Ko Hesiboni mo hono tuaa kolo o ia, mo Jesa mo hono tuaa kolo o ia; koe kolo kotoabe e fa.

40 Koia koe gaahi kolo nae to i he talotalo ki he fānau a Melali i ho nau gaahi faahiga, aia nae toe i he gaahi faahiga oe kau Livai, koe kolo e hogofulu ma ua.

41 Koe gaahi kolo kotoabe oe kau Livai i he tofia oe fānau a Isileli nae fagofulu ma valu mo ho nau gaahi tuaa kolo.

42 Nae tuu ae gaahi kolo ni taki taha mo ho nau tuaa kolo nae takatakai: nae behe be ae gaahi kolo ni kotoabe.

¶ 43 Bea nae foaki e Jihova ki Isileli ae fonua kotoabe naa ne fuakava ke foaki ki he e nau gaahi tamai: bea naa nau ma‘u ia, o nofo ai.

44 Bea nae foaki e Jihova kiate kinautolu ae mālōlō i he botu kotoabe, o fakatatau ki he ene fuakava ki he e nau gaahi tamai: bea nae ikai ha tagata i ho nau gaahi fili kotoabe nae faa tuu i ho nau ao: nae tukuage e Jihova ho nau gaahi fili kotoabe ki ho nau nima.

45 Nae ikai liaki ha mea e taha i he mea lelei kotoabe nae folofola ki ai a Jihova ki he fale o Isileli; nae hoko kotoabe.