¶ 1 I HE ta‘u e tolugofulu ma ono oe bule a Asa, nae ha‘u a Baasa koe tu‘i o Isileli ke tau‘i a Juta, bea laga eia a Lama, koeuhi ke oua naa alu kituaa ha niihi be ha‘u ki loto kia Asa koe tu‘i o Juta.

2 Bea nae omi kitua e Asa ae siliva moe koula mei he gaahi fale koloa oe fale o Jihova, bea mei he fale oe tu‘i, bea ne ave ia kia Beni‐hatati koe tu‘i o Silia aia nae nofo i Tamasikusi, o behe,

3 Oku ai ae lea iate au mo koe, o hage koia nae i he eku tamai mo hoo tamai: vakai oku ou atu ni ae siliva moe koula: ke ke alu, bea maumau‘i hoo alea babau mo Baasa koe tu‘i o Isileli, koeuhi ke alu ia iate au.

4 Bea nae tokaga a Beni‐hatati ki he tu‘i ko Asa, bea ne fekau ae gaahi eiki bule o ene gaahi tau ke tau‘i ae gaahi kolo o Isileli: bea naa nau teia a Ijoni. mo Tani, mo Ebelimeimi, moe gaah. kolo tukuga koloa kotoabe o Nafitali.

5 Bea i he fanogo ki ai e Baasa, naa ne tuku ene laga a Lama, bea tuku liaki be ene gaue.

6 Bea nae ave e Asa koe tu‘i a Juta kotoabe moia: bea naa nau fetuku o ave ae gaahi maka kotoabe o Lama, bea moe gaahi akau i ai, aia nae laga aki e Baasa: bea naa ne laga aki eia a Keba mo Misiba.

¶ 7 Bea i he kuoga koia nae ha‘u ai a Hanani, koe tagata kikite kia Asa koe tu‘i o Juta, o ne behe kiate ia, Koe mea i hoo falala ki he tu‘i o Silia, bea nae ikai te ke falala kia Jihova ko ho Otua, koia kuo hao o hola ae tau ae tu‘i o Silia mei ho nima.

8 Ikai koe fuu tau lahi ae kakai Itiobea moe kakai Lubimi, moe gaahi jaliote lahi moe kau tagata heka hose? ka koe mea i hoo falala kia Jihova, naa ne tuku mai akinautolu ki ho nima.

9 He oku lele fetoutou mo liiiuaki ae fofoga o Jihova i mamani kotoabe, ke fakaha malohi a ene afio ke kau mo kinautolu oku tokaga totonu ho nau loto kiate ia. I he mea ni kuo ke fai fakavalevale: bea mei he kuoga koeni te ke moua koe i he gaahi tau.

10 Bea nae ita lahi a Asa ki he tagata kikite, bea ne tuku ia ki he fale fakabobula; he nae lili ia kiate ia koeuhi koe mea ni. Bea nae bule kakaha a Asa ki he kakai niihi i he kuoga koia.

¶ 11 Bea, vakai, koe gaahi gaue a Asa, koe muaki moe kimui, vakai, kuo tohi ia i he tohi fakamatala ki he gaahi tu‘i o Juta mo Isileli.

12 Bea nae mahaki a Asa i hono va‘e, i hono tolugofulu ma hiva ta‘u o ene bule, bea nae tubu o lahi aubito ene mahaki: ka i he ene mahaki nae ikai kumi ia kia Jihova, ka ki he kau faitoo.

¶ 13 Bea nae mohe a Asa mo ene gaahi tamai, bea bekia ia i hono fagofulu ma taha ta‘u o ene bule.

14 Bea naa nau fai hono butu ki hono fonualoto oona, aia naa ne gaohi moona i he kolo o Tevita, bea nae tuku ia ki he mohega nae fakafonu aki ae gaahi mea namu kakala kehekehe nae teu‘i e he kakai nae boto i he gaue koia; bea naa nau fai ae tutu lahi aubito maana.