Vahe 11
1 Nae biutau e Lehoboami ke fakavaivai a Isileli, kae taofia ia e Simaia. 6 Oku ne fakamalohi hono buleaga aki ae gaahi kolotau moe gaahi tokonaki. 13 Oku liaki a Jeloboami e he kau taulaeiki moe kau Livai, mo kinautolu nae manavahe ki he Otua, o nau tokoni ki he buleaga o Juta. 18 Koe gaahi unoho moe fanau a Lehoboami.
¶ 1 BEA i he ene ha‘u a Lehoboami ki Jelusalema, nae fakakatoa eia mei he fale o Juta mo Benijimani ae kau tagata fili, koe kau tagata tau, e taha kilu moe toko fa mano, ke nau tau‘i a Isileli, koeuhi ke nau toe liliu mai ae buleaga kia Lehoboami.
2 Ka nae ha‘u ae folofola a Jihova kia Simaia koe tagata ae Otua, o behe,
3 Ke ke lea kia Lehoboami koe foha o Solomone koe tu‘i o Juta, bea ki Isileli kotoabe i Juta mo Benijimani, o behe,
4 Oku behe e Jihova, Oua te mou alu hake, be tau ki ho mou kaiga: mou foki atu taki taha ae tagata ki hono fale: he koe mea ni kuo fai ia iate au. Bea naa nau fai talagofua ki he folofola a Jihova, bea naa nau foki o ikai alu ke tau‘i a Jeloboami.
¶ 5 Bea nae nofo a Lehoboami i Jelusalema, bea nae laga eia ae gaahi kolo tau i Juta.
6 Naa ne laga a Betelihema, mo Etami, mo Tikoa,
7 Mo Betesua, mo Soko, mo Atulami,
8 Mo Kati, mo Malesa, mo Sifi,
9 Mo Atolaimi, mo Lakisi, mo Aseka,
10 Mo Sola, mo Ajaloni, mo Hebeloni, aia oku i Juta mo Benijimani koe gaahi kolo tau.
11 Bea naa ne fakamalohi eia ae gaahi kolo tau, bea tuku ki ai ae gaahi eiki tau, mo fao ki ai ae meakai, moe lolo moe uaine.
12 Bea ne tuku i he gaahi kolo taki taha ae gaahi ba moe gaahi tao, o ne gaohi ia ke malohi aubito, he nae kau a Juta mo Benijimani kiate ia.
¶ 13 Bea nae ha‘u kiate ia ae kau taulalaeiki moe kau Livai mei ho nau gaahi botu nofoaga kotoabe.
14 Ka nae jiaki e he kau Livai ho nau gaahi abi mo ho nau gaahi tofia, bea ha‘u ki Juta mo Jelusalema: he nae liaki akinautola e Jeloboami mo hono gaahi foha ke oua naa nau fai ae gaue ae taulaeiki kia Jihova.
15 Bea naa ne fakanofo ae kau taulaeiki maana ki he gaahi botu maoluga, bea ma ae gaahi tevolo, bea ki he gaahi uhiki bulu aia naa ne gaohi.
16 Bea nae muimui iate kinautolu ki Jelusalema, mei he gaahi faahiga kotoabe o Isileli, akinautolu kotoabe nae bau ho nau loto ke kumi kia Jihova koe Otua o Isileli, ke feilaulau kia Jihova koe Otua oe nau gaahi tamai.
17 Koia naa nau fakamalohi ae buleaga o Juta, bea nae fakamalohi‘i a Lehoboami koe foha o Solomone, i he ta‘u e tolu: he naa nau alu i he ta‘u e tolu i he hala o Tevita mo Solomone.
¶ 18 Bea nae omi e Lehoboami a Mehalate koe ofefine o Jelimoti koe foha o Tevita ke na unoho, mo Abieli koe ofefine o Iliabi, koe foha o Jese;
19 Aia naa na fanau kiate ia ae fānau: ko Jiusi, mo Samalia, mo Seami.
20 Bea hoko mo ia naa ne omi a Meaka koe ofefine o Abisalomi; aia naa ne fanau kiate ia a Abija, mo Atai, mo Sisa, mo Silomiti.
21 Bea nae ofa a Lehoboami kia Meaka koe ofefine o Abisalomi o lahi hake i hono gaahi unoho kotoabe mo ene jinifu: (he naa ne ma‘u ae unoho e toko hogofulu ma toko valu moe jinifu e toko onogofulu; bea nae fanau kiate ia ae foha e toko uofulu ma toko valu, moe ofefine e toko onogofulu.)
22 Bea gaohi e Lehoboami a Abija koe tama a Meaka ke tuu kimua, bea ke bule ia ki hono gaahi kaiga: he nae tokaga ia ke fakanofo ia ke tu‘i.
23 Bea nae fai fakabotoboto ia, o ne tufaki ene fānau kotoabe ki he gaahi botu kotoabe o Juta mo Benijimani, ki he gaahi kolo tau kotoabe: bea naa ne atu kiate kinautolu ae mea kai lahi aubito. Bea nae manako ia ki he unoho toki lahi.