4 N aron are e koreaki n ana boki te burabeti ae Etaiati; ao aikai taekana, ae kangai, Bwanaan temanna ae takarua n te rereua, Katauraoa kawain te Uea, ao karaoi kawaina bwa a na eti.

5 Bwa nooria, ao taraia, e na roko, n aron are e koreaki n aia boki burabeti, bwa e na anai buren te aonaba, ao ni uota te kamaiuaki nakoia botanaomata aika beekan, ni bobotia naake a bua, ake kaain ana nanai n tibu Iteraera;

6 Eng, ake a uamaenako ao a karawawataaki; ao ni katauraoa naba te kawai, ao ni karaoia bwa e na kona n tataekinaki te euangkerio nakoia Tientaire;

7 Ao n riki bwa te oota nakoia ni kabane ake a tekateka n te rotongitong, nako tabotabon te aonaba; ni kakoroa bukin te mangauti man te mate, ao n rierake nako ike e rietata, ni maeka i angatain te Tama,

8 Ni karokoa koron bukin te tai, ao te tua ao te kakoaua a na kawakinaki, ao kiingin te abanuea e na manga anganaki te Tama;

9 Ni kamwakura te motiraoi nakoia ni kabane; n ruo ni motikitaekaia ni kabane, ao n anai nanoia bwa a na kakoaua ni kabane naake a buakaka aia mwakuri aika buakaka, ake a tia ni karaoi; ao aei ni kabane n te bong are e na roko iai;

10 Bwa bon bongin te mwaaka, eng, marua ni kabane a na kaonaki, ao ni kabane maunga ao tabuki a na karinanoaki, ae bwaoua e na karaoaki bwa e na eti, ao kawai aika aobuaka a na kaboraoaki;

11 Ao ni kabane aika maiu a na noora ana kamaiu te Atua.

19 Bwa e bon rang n ataki iroum, Teobiro, bwa n aron ai waaki Iutaia, ao ni kaineti nakon katein aia tua ni karekea te mwane nakon aia tabo ni mwane, bwa man te kaubwai are e karekeaki, e baireaki nakoia kainnano, aomata nako ma tibwaia;

20 Ao n aron aia waaki are a karaoia naba taan mwakuri, mangaia are Ioane e kangai nakoia, Ana ae aki raka nakon are e baireaki nakoim.