Tááʼ Daʼiiłtsáanii Bizaad Tʼáá Aanínígíí
Ahit’áád Hóyahdi Na’asdzoh

Hide Footnotes

Saad Bik’ehgo Nda’anishí

Tááʼ Daʼiiłtsáanii Bizaad Tʼáá Aanínígíí

Bééhózin Dooleeł tʼáá ałtso nihookááʼ dineʼé dah deíkáahgo, ahidaʼdiilchíín, dóó saad aheełtʼé bił nahazʼą́ągo díí naanish bichʼįʼ kódoolnííł: Áko nihí, aTaaʼ Diyin God bidiyingo joobaʼ, dóó nihiBóhólníihii Jesus Christ binahjįʼ, éí béésh óola tʼą́hí bikááʼ naʼasdzooígíí deiiltsą́, éí éí Nephi bidineʼé baa naʼasdzooígíí átʼé, dóó Laman bidineʼé, bikʼisóó danilíinii, dóó Jared bidineʼé, yágóó ítłʼin baa yáʼootiʼgo yitsʼą́ą́dę́ę́ʼ yíkaiígíí ałdóʼ. Áádóó Diyin God bibee aʼiilyéii dóó bibee adziilii bee bilagáanaa bizaadkʼehjí ánályaago nihił béédahózin, háálá bizaad yee nihił hoolneʼ; éí biniinaa díí naanish tsʼídá tʼáá aaníí átʼéego nihił béédahózin. Áádóó tʼáá aaníigo ádadiiʼní béésh óola tʼą́hí bikʼi naʼasdzooígíí deiiltsą́; dóó Diyin God bibee adziilii éí binahjįʼ nihił ííshjání ályaa, doo éí bílaʼashdlaʼii binahjįʼ da. Áádóó saad naʼiiłnáanii bee ádadiiʼní, Diyin God bá naalʼaʼii yáʼąąshdę́ę́ʼ adááyá, dóó béésh óola tʼą́hí yínílą́ dóó nihił ííshją́ą́ áyiilaa, áko béésh óola tʼą́hí dóó bikááʼ naʼasdzooígíí deiiltsą́, dóó aTaaʼ Diyin God bidiyingo joobaʼii dóó nihiBóhólníihii Jesus Christ binahjįʼ nihił béédahózingo deiiltsą́ dóó kʼad baa dahwiilneʼ díí éí tʼáá aaníí ádaatʼé. Dóó ayóó átʼéego baa ntsídeiikeesgo deiitʼį́. Ákótʼée ndi, Bóhólníihii nihídóʼ díí tʼáá aaníigo baa dahołneʼ nihiłní; ákohgo, Diyin God bibeehazʼáanii bikʼeh honiilʼį́į dooleełgo, díí tʼáá aaníigo baa dahwiilneʼ. Áko nihił béédahózin Christ deiniidlą́ągo, nihí tʼáá ałtso nihookááʼ dineʼé bibąąhági ádaatʼéii doo nihąąh siláa da dooleeł, dóó Christ bibee ánihwiitʼaah bikááʼdahʼasdáhí bidááhdóó doo nihąąh siláhágóó hanihiʼdiʼdooʼį́į́ł, dóó yáʼąąshdi hoolʼáágóó bił honiidlǫ́ǫ dooleeł. Dóó aTaaʼ, dóó aYeʼ dóó Iiʼsizį́ Diyinii, éí tʼááłáʼí Diyin God danilį́įgo baa haʼniih. Amen.

Oliver Cowdery

David Whitmer

Martin Harris