Naaltsoos Mormon Wolyéhígíí Bízhiʼgi
Ahit’áád Hóyahdi Na’asdzoh

Hide Footnotes

Saad Bik’ehgo Nda’anishí

Naaltsoos Mormon Wolyéhígíí

Naʼasdzo Mormon
Tʼáá Bí Bílaʼ Yee Áyiilaaígíí
Béésh Óola Tʼą́hí Bikáaʼjįʼ
Nephi Bibéésh Óola Tʼą́hí Bitsʼą́ą́dę́ę́ʼ Ályaa

Áko, éí éiyá Nephi bidineʼé ndaʼazo yę́ę áłtsʼíísígo ályaaígíí átʼé, dóó Laman bidineʼé ałdóʼ—Laman bidineʼé bichʼįʼ ályaa, éí éiyá Israel bighandóó diné chʼéédzíʼígíí danilį́; dóó Jew dineʼé dóó Gentile dineʼé ałdóʼ bichʼįʼ ályaa—Bikʼeh hólʼį́į dooleełgo naʼasdzo, dóó ałdóʼ náásgóó haneʼii dóó Diyin God bitsʼą́ą́dę́ę́ʼ yáʼátiʼii bikʼehgo ályaa. Naʼasdzo dóó ahíistłʼǫ́, dóó Bóhólníihii néideesʼį́į́ʼ, doo doolchxǫǫł da biniiyé—Diyin God bibee aʼiilyéii dóó bibee adziilii bee ńdootʼááł dóó dííshjį́įdi saadígíí bee áńdoolnííł—Moroni bílaʼ yee ahíyiistłʼǫ́, dóó Bóhólníihii yichʼįʼ néideesʼį́į́ʼ, áajįʼ ayííłką́ągo Gentile dineʼé bitsʼą́ą́dę́ę́ʼ ńdootʼááł—Diyin God bibee aʼiilyéii binahjįʼ dííshjį́įdi saadígíí bee áńdoolnííł.

Naaltsoos Ether wolyéhígíí áłchʼį́į́dí ánályaaígíí bitsʼą́ą́dę́ę́ʼ ałdóʼ, éí éí Jared bidineʼé ndaʼazooígíí átʼé, éí éí Bóhólníihii bílaʼashdlaʼii bizaad ałʼąą áyiilaa yę́ędą́ą́ʼ daʼníłtsʼą́ą́jígo taooskai, yáʼąąsh gódei kin dajótłʼin yę́ędą́ą́ʼ—eii éí Israel bighandóó chʼéédzíhígíí haitʼáo Bóhólníihii dabizhéʼé tʼáá íiyisíí yíká eelwodgo bił ííshjání ádoolnííł biniiyé; dóó Bóhólníihii bibee ahadaʼdeetʼánę́ę bił béédahodoozįįł, doo éí hoolʼáágóó nahjįʼ kóbiʼdiilyaa da—Dóó ałdóʼ Jew dineʼé dóó Gentile dineʼé Jesus éí Christ nilį́įgo deidoodląął biniiyé, Hoolʼáágóó Diyin God nilį́, diné tʼáá ałtsogóó dah deíkáhígíí yichʼįʼ ííshją́ą́ ádílʼį́—Áádóó kʼad, ndaʼiidzihígíí éí diné ndaʼiisíhígíí átʼé, ákohgo, Diyin God binaadeełii tʼáadoo bikʼijįʼ yádaałtiʼí, áko Christ bibee ánihwiitʼaah bikááʼdahʼasdáhídi doo nihikʼijįʼ siʼánígóó bééhodoozįįł.

Béésh óola tʼą́hí bikááʼ naʼasdzo yę́ę éí
Joseph Smith, Jun.
Bilagáanaa bizaadkʼehjígo áyiilaa.